128
Borey duu gomni kaŋ ga Abadantaa gana
1 Woo ti žigiyanoo dooni foo.
Boraa duu gomni kaŋ ga hunbur Abadantaa,
a ga nga fondawey gana!
2 Nʼga daame nda ni kabe goyoo nafaa.
Ni duu gomni, binekaanay ti ni wane.
3 Ni hugoo gundoo ra
ni wandoo ga hima nda alanebɲaa kaŋ ga ize goo,
ni izey ga hima nda zaytu dumari-izeyaŋ,
i ga ni ŋaadogoo kuubi kʼa bere.
4 Nga ne, takaa woo nda boro kaŋ ga hunbur Abadantaa
ga duu albarka.
5 Abadantaa ga albarka daŋ ni ra ka hun Siyoŋ koyraa ra,
de nʼga dii Žerizalem gomnoo
ni aloomuroo kul ra.
6 Yala ma dii ni izey izey.
Yala alaafiya ma kaa Izirayel ga.