14
Irkoy hunburkaw goo no wala?
(Zaburey 53)
1 Donkey boŋkoynoo ka woo don. Woo ti Dawda zabur foo.
Lakkal jaŋantaa mma nee nga boŋ se kaŋ Irkoy si bara.
I na goy laalayaŋ nda goy harramanteyaŋ tee,
boro sii i ra kaŋ ga ihenna tee.
2 Abadantaa goo beenaa ra, a ga fuuni ganda ka adamizey guna,
ka dii wala boro goo i ra kaŋ goo nda lakkal henna,
kaŋ ga Irkoy ceeci.
3 I kul na fondaa naŋ, i tee boro laala,
boro kul sii no kaŋ ga ihenna tee,
ba affoo.
4 Wey kul kaŋ ga šerretaray jaŋay tee sii nda lakkal,
ngi kaŋ ga ay jamaa ŋaa sanda ŋaayan,
i si Abadantaa wiri.
5 Woo ga, hunburay ga duu ey,
zama Irkoy sii kala boro šerrante zamanoo bande.
6 War ga alfukaaroo goyey kaŋ a ga baa nga mʼi tee hasara.
Abadantaa ti nongoo kaŋ ra a ga nga boŋ talfi.
7 Nda a gar ba Siyoŋ koyraa ra Izirayel hallasiroo ga hun!
Waati kaŋ Abadantaa na nga jamaa misoo hanse,
Yakuba ga ɲaali, Izirayel ga yafarhã.