43
Ni naataa daŋ Irkoy ra
1 Irkoy, ciiti kʼay noo ay cimoo,
ay faasa jamaa kaŋ si hinna ra!
Ay kaa dargantey nda boro futawey kabey ra!
2 Zama ni ti ay Koyoo nda nongoo kaŋ ra ay ga tugu,
macin se nʼnʼay fur?
Macin se ay ga bunnu nda binemarayyan
ka naŋ agay iberoo mʼay kankam?
3 Ni gaayoo nda ni cimoo cebe!
I mʼay gongu,
i mʼay ka koy ni tondi hondu henanantaa nda ni gorodogey do!
4 Ay ga koy Irkoy sargari tonadogoo here,
Irkoy here kaŋ ti ay ɲaaloo nda ay yafarhãa,
Irkoy, ay Koyoo, ay ga ni saabu ay kuntijoo ga!
5 Ay hundoo, macin se nʼga gaaham buunay,
macin se nʼga hẽe?
Ni naataa daŋ Irkoy ra!
Ay ga kaa kʼa saabu koyne, nga ti ay Hallasikaa, nga ti ay Koyoo.