67
Dumey kul ma Irkoy saabu
1 Donkey boŋkoynoo ka woo don. Dooni kaŋ bande hooray jinay linjikoyni goo. Zabur. Dooni.
2 Irkoy ma alhormo tee ir se ka albarka daŋ ir ra,
a ma nga ndumoo annuuraa daŋ ir ga,
Kay-kayna
3 hala ni fondaa ma bayrandi laboo ga,
nda mo ni hallasiroo ma bayrandi gandawey kul ra.
4 Ya Irkoy, jamawey ma ni saabu,
jamawey kul ma ni saabu.
5 Gandawey ma ɲaali, i ma yafarhã,
zama nʼga jamawey ciiti nda fondaa,
nʼga gandawey gongu laboo ga.
Kay-kayna
6 Ya Irkoy, jamawey ma ni saabu,
jamawey kul ma ni saabu.
7 Laboo ga duuraa hay,
Irkoy, ir Koyoo ga albarka daŋ ir ra.
8 Nhuu, Irkoy ga albarka daŋ ir ra,
de laboo kanjey kul ga hunbur a!