87
Siyoŋ ti koyraa kaŋ Irkoy ga bagʼa
1 Woo ti Kora izey zabur foo. Dooni.
Irkoy koyraa asaasey mana hun kala tondi hondu henanantey ra.
2 Siyoŋ koyraa miɲey ga kan Abadantaa se
ka bisa Yakuba gorodogey kul.
3 Irkoy koyraa,
haya daržanteyaŋ harandi ni ga.
Kay-kayna
4 Ay ga Misira borey nda Babiloŋ har
borey se kaŋ gʼay bay,
Filisti gandaa, nda Tir koyraa, nda Ecopi gandaa,
nongey wey ra i hayandi.
5 Amma Siyoŋ ga, a harandi ka nee kaŋ
filaana nda filaana mana hayandi kala ne ra,
de mo Koy Jerantaa no mʼa gorandi.
6 Abadantaa mma jamawey kabu kʼi hantum
ka daŋ kaŋ nongoo woo ra boro filaana hayandi.
Kay-kayna
7 Borey kaŋ ga don nda borey kaŋ ga gan
ga nee: «Ay gomni kul si hun kala ni do.»