93
Abadantaa ti kokoy
1 Abadantaa ti kokoy, beeray ti nga bankaaraa,
Abadantaa na bankaaray daŋ, gaabi ti nga gamahawoo.
Woo se aduɲɲa ga kay nga dogoo ra, a si ɲuuti.
2 Ni kokoy gorodogoo tabati za zaman,
waati kul nʼga bara.
3 Abadantaa, isawey jer,
isawey na ngi jindey jer,
isawey kaati.
4 Amma Abadantaa hinoo ga bisa hari jinde beerey,
a ga bisa teekoo bonday beerey,
Abadantaa kaŋ goo beene hinoo ga bisa ey.
5 Ni seedetarawey ga hanse ka laadir.
Abadantaa, ni hugoo ga hima nda henanyan waati kul.