24
Sargari juwalkey kondawey
1 Haruna hayroo zamnandi konday konday. Haruna izʼarey ti Nadab, nda Abihu, nda Eleyazar, nda Itamar.
2 Nadab nda Abihu na ngi baaba jin ka buu, ka gar i mana duu ize. Eleyazar nda Itamar no ma sargari juwalyan goyoo tee.
3 Dawda zamanoo ra, Dawda nda Sadok kaŋ hun Eleyazar hayroo ra, nda Ahimelek kaŋ hun Itamar hayroo ra, ngi ka Haruna hayroo zamna kʼa tee boro foo kul nda nga kondaa, ka sawa nda nga goyoo.
4 Woo gar Eleyazar hayrey bisa Itamar hayrey. Woo se Eleyazar hayroo zamnandi ka tee hugu boŋ woy cindi iddu (16), Itamar hayroo tee hugu boŋ yaaha.
5 I nʼi ɲaami cere ra ka alkurra kar kʼi zamna, i mana affoo bisandi affoo, zama nongu henanantaa nda Irkoy hayey jineborey si hun kala Eleyazar hayroo ra nda Itamar hayroo ra.
6 Netaniyel izʼaroo Šemaya kaŋ ti Lewi hugoo boro, ti hantumkaa kaŋ na maaɲey hantum, woo teendi kokoyoo jine, nda boŋkoyney jine, nda sargari juwalkaa Sadok, nda Abiyatar izʼaroo Ahimelek, nda sargari juwalkey hugu boŋey, nda Lewi borey hugu boŋey jine. I na hugu foo zaa Eleyazar hayroo ra, i na hugu foo zaa Itamar hayroo ra.
7 Boro jinaa kaŋ alkurraa nʼa cebe ti Yoyarib,
ihinkantoo ti Yedaya,
8 ihinzantoo ti Harim,
itaacantoo ti Seworim,
9 igguwantoo ti Malkiya,
idduwantoo ti Miyamin,
10 iyyantoo ti Hakos,
yaahantoo ti Abiya,
11 yaggantoo ti Žozuwe,
iwoyantoo (10to) ti Šekaniya,
12 iwoy cindi faantoo (11to) ti Elyašib,
iwoy cindi hinkantoo (12to) ti Yakim,
13 iwoy cindi hinzantoo (13to) ti Hupa,
iwoy cindi taacantoo (14to) ti Yešebab,
14 iwoy cindi guwantoo (15to) ti Bilga,
iwoy cindi idduwantoo (16to) ti Imer,
15 iwoy cindi iyyantoo (17to) ti Hezir,
iwoy cindi yaahantoo (18to) ti Hapisek,
16 iwoy cindi yaggantoo (19to) ti Petakiya,
warankantoo (20to) ti Ezekiyel,
17 waranka cindi faantoo (21to) ti Yakin,
waranka cindi hinkantoo (22to) ti Gamul,
18 waranka cindi hinzantoo (23to) ti Deleya,
waranka cindi taacantoo (24to) ti Maziya.
19 Wey ti ngi kondawey kaŋ ga huru Abadantaa hugoo ra ka goyey tee ka sawa nda ngi baaba Haruna yaamaroo, sanda takaa kaŋ nda Abadantaa, Izirayel Koyoo nʼa har a se.
Lewi hayroo jineboro cindey
20 Lewi hayroo cindey ne: Amram hayroo ra Šubayel ti jineboraa. Šubayel hayroo ra Yediya ti jineboraa.
21 Rehabiya hayroo ra Yišiya ti jineboraa.
22 Yisehar borey jineboraa ti Šelomit. Šelomit hayroo ra Yahat ti jineboraa.
23 Hebroŋ hayroo ra jineboro jinaa ti Yeriya, ihinkantoo ti Amarya, ihinzantoo ti Yahaziyel, itaacantoo ti Yekamam.
24 Uziyel izʼaroo ti Mika. Mika hayroo ra Šamir ti jineboraa.
25 Mika armaa ti Yišiya. Yišiya hayroo ra Zakarya ti jineboraa.
26 Merari izʼarey ti Mahili nda Muši, ka tonton nga izʼaroo Yaziya izʼarey ga.
27 Merari izʼaroo Yaziya izʼarey ti Šoham, nda Zakur, nda Ibri.
28 Mahili izʼaroo ti Eleyazar, a mana duu ize.
29 Kiš hayroo ra Yeramel ti jineboraa.
30 Muši izʼarey ti Mahili, nda Eder, nda Yerimot. Lewi borey hayroo cindey ti wey, affoo kul nda nga alaayaney.
31 Ngi mo sanda ngi armey kaŋ ti Haruna hayroo, i na alkurra kar kokoyoo Dawda jine, nda Sadok, nda Ahimelek, nda sargari juwalkey hugu boŋey, nda Lewi borey hugu boŋey jine. Izʼaru beerey alaayaney nda ikaccey alaayaney, ngi kul hugey borey ga sawa haya kul ra.