Sakaria
Waeuwa uawa
Buka ema bedewe nitu uduudu God atowe winedia ita do me apanawa oniadewasamodie, ita muka wanamodie euda mampo dewasadia umanawa wade. God Sakaria sonabene peroweta nolawa wanena me gagalowa wapie me apanawa diamopi. Benema ema ipa me apanawa mai me sawa do simbiasampa, dia. Ita do God apana kadiwa dewalala matangelamopi ita dewamopio euntopue me mampentopu.
Sakaria Keriso ando wisepia ita do apana me nibuasapua wasabamoa wade, ando God meba apanawaida inamopi ita Iawe God warerelepio tawo apanawa uduudu me atowentopuo oniamopi.
9
Ierusalem apanawa warereu ando wisepi
9 Iawe God wadiase, “E bola debama Saion apanawa nuaeuidaitana!
E Ierusalem apanawa nuaeu kawa wana!
Ewane e warerela manlawo iede,
me dewawa ipa dodomana ita ona nanausana apanawa.
Me etepa molaisiwa donki osowe waine iede;
Oa, me donki sanaa osowe waine iede.
10 Ne ona turakawa pue mampe teiteinala Israel bedewe otaubamopa,
ita oas osouwo waimoie antoie onantoia Ierusalem bedewe waimoia otaubamope nambemopa.
Ita ona puraiwawa uduudu kadimopatuwapi.
E warerela wanwan euda obasa uwa daitada apanawa uduudu tawo osowe waimoia wanamopi.
Me warerewa makawa owa da osowe enepitue alepie owa da wadepi,
ita do esa Eupirates makawa alepie ita tawo uduudu wadepituwapi.”