9
دَنِيّلِ عَلَ مَشَندِقٍ
1 دَرِيُسِ، عَسُيٍرُ سُ شَ دِ نَشَن كٍلِ مٍدٍ بْنسْي، عَ نَشَ قِندِ كَلِدِ مَنفّ رَ.
2 عَ شَ مَنفّيَ حّ سِنفٍ، ﭑ تَن دَنِيّلِ، ﭑ نَشَ عَ كٌلٌن كِتَابُي سَابُي رَ عَ عَلَتَلَ نُ بَرَ عَ قَلَ عَننَبِ يٍرٍ مِ بّ، عَ دَرِ سَلَمُ شَ كَسَرّ بُمَ نّ حّ تٌنفٌ سٌلٌقٍرٍ.
3 نَ نَ عَ تٌ، ﭑ نَشَ سُنيِ سُشُ، ﭑ سُننُن دٌنمَ رَفٌرٌ ﭑ مَ، ﭑ تّ شُبٍ مَسٌ ﭑ شُنيِ مَ، ﭑ نَشَ ﭑ يَ رَقِندِ ﭑ مَرِفِ عَلَ مَ، ﭑ عَ مَشَندِ.
4 ﭑ نَشَ ﭑ مَرِفِ عَلَتَلَ مَشَندِ يِ كِ، «ﭑ مَرِفِ عَلَ، نَشَن سّنبّ فبٌ، نَشَن مَفَاشُ، نَشَن عَ شَ سَاتّ رَكَمَلِمَ، نَشَن هِننّمَ عَ شَنُنتٍنيِيٍ رَ نُن عَ قْشِرَبِرّيٍ رَ،
5 مُشُ بَرَ يُنُبِ رَبَ، مُشُ بَرَ تَنتَن، مُشُ بَرَ قِندِ مِشِ حَاشِ نُن مَتَندِلَيٍ رَ، مُشُ بَرَ فبِلٍن عِ شَ سّرِيّ نُن عِ شَ يَامَرِيٍ قْشْ رَ.
6 مُشُ مُ عِ شَ كٌنيِيٍ شُي سُشُ، عِ شَ نَمِحْنمّ نَشٍيٍ وْيّن عِ شِلِ رَ مُشُ شَ مَنفّيٍ بّ، عَ نُن مُشُ شَ مَنفّدِيٍ، مُشُ بَبَيٍ، نُن مُشُ شَ حَمَ بِرِن بّ.»
7 «عِ تَن مَرِفِ، عِ تِنشِن، كْنْ مُشُ نُ بَرَ عِ يَنقَ. تٌ لْشْي مُشُ بِرِن يَافِشِ نَ نَن مَ، يُدَيَكَيٍ، دَرِ سَلَمُكَيٍ، عِسِرَيِلَكَيٍ، نَشٍيٍ نَ بٍ، نَشٍيٍ نَ يِرٍ مَكُيٍ، نَشٍيٍ نَ حَمَنّ بِرِن عِ مُشُ رَيٍنسٍنشِ دّننَشّ.
8 عَلَتَلَ، مُشُ بِرِن يَافِشِ، مُشُ شَ مَنفّيٍ، مُشُ شَ مَنفّدِيٍ، نُن مُشُ بَبَيٍ. مُشُ يَافِشِ بَرِ مَ مُشُ بَرَ يُنُبِ رَبَ عِ رَ.
9 كْنْ عِ تَن مُشُ مَرِفِ عَلَ، عِ بَرَ هِننّ مُشُ رَ، عِ بَرَ دِحّ مُشُ مَ، هَلِ مُشُ تٌ عِ مَتَندِ.
10 مُشُ مُ مُشُ مَرِفِ عَلَتَلَ شُي سُشُ. مُشُ مُ بِرَ عَ شَ سّرِيّ قْشْ رَ، عَ نَشَن مَسٍنشِ عَ شَ كٌنيِ نَمِحْنمّيٍ سَابُي رَ.
11 عِسِرَيِلَ حَمَ بِرِن بَرَ عِ شَ سّرِيّ مَتَندِ، مُشُ بَرَ مُشُ مَكُيَ عِ رَ، مُشُ مُ عِ شُي سُشُ.»
«نَ نَن عَ رَ، دَنكّ نَشٍيٍ سّبّشِ تَوُرٍتَ مُنسَ كُي عَ بَرَ فٌرٌ مُشُ مَ. مُشُ بَرَ عَلَ شَ كٌنيِ مُنسَ شَ سّرِيّ كَنَ، نَ بَرَ قِندِ يُنُبِ رَ مُشُ بّ عَلَ مَبِرِ.
12 عِ نَشَن قَلَ مُشُ شَ قٍ رَ، عَ نُن مُشُ شَ مَنفّ شَ قٍ رَ، نَشٍيٍ نُ مُشُ يَمَرِ مَ، عِ بَرَ نَ وْيّنيِ رَكَمَلِ. عِ بَرَ مُشُ حَشَنكَتَ عَ حَاشِ رَ. عِ نَشَن نَبَشِ دَرِ سَلَمُ رَ، حَمَ يٌ مُ نُ نَ حَشَنكَتّ مْولِ سِنفٍ سْتْ.
13 نَ تْورّ بِرِن بَرَ مُشُ لِ عَلْ تَوُرٍتَ مُنسَ عَ مَسٍنشِ كِ نَشّ. كْنْ مُشُ مُ مُشُ مَرِفِ عَلَتَلَ مَشَندِ، مُشُ مُ فبِلٍن مُشُ شَ قٍ حَاشِيٍ قْشْ رَ، مُشُ مُ عِ شَ نْندِ سُشُ.
14 نَ نَن عَ رَ، عَلَتَلَ بَرَ يِ تْورّ رَفٌرٌ مُشُ مَ، بَرِ مَ مُشُ مَرِفِ عَلَتَلَ شَ كّوَلِ تِنشِن، كْنْ مُشُ مُ عَ شُي سُشُ.»
15 «مُشُ مَرِفِ عَلَ، عِ بَرَ عِ شَ حَمَ رَ مِنِ مِسِرَ بْشِ مَ عِ بّلّشّ سّنبّمَ رَ. هَن تٌ عِ شِلِ عِتٍشِ قَلَمَ نَ شَ قٍ رَ. كْنْ مُشُ تَن بَرَ يُنُبِ رَبَ، مُشُ بَرَ يُنُبِ سْتْ.
16 مَرِفِ، عِ تٌ دَرِشِ قٍ تِنشِنشِيٍ رَبَ رَ، عِ شَ دِحّ دَرِ سَلَمُ نُن عِ شَ فٍيَ سّنِيّنشِ مَ. عِ بْحّ شَ شِنبٍلِ، عِ نَشَ شْنْ. مُشُ شَ يُنُبِيٍ نُن مُشُ بَبَيٍ شَ يُنُبِيٍ بَرَ دَرِ سَلَمُكَ بِرِن نَيَافِ مُشُ دْشْبٌورٍيٍ شْن مَ.»
17 «يَكْسِ، مُشُ مَرِفِ عَلَ، يَندِ، عِ شَ عِ شَ كٌنيِ شَ دُبّ سُشُ، عِ شَ تِن يِ مَشَندِ رَ عِ شِلِ قَنيِ شَ قٍ رَ. عِ شَ عِ شَ نْرّ رَفٌرٌ عِ شَ هْرْ مْبَنشِ مَ، نَشَن بِرِن كَنَشِ.
18 ﭑ مَرِفِ عَلَ، عِ تُلِ مَتِ ﭑ نَ. عِ شَ مُشُ شَ تَا كَنَشِ مَتٌ، عِ شِلِ سَشِ نَشَن شُن مَ. مُشُ مُ عِ مَشَندِ مَ مُشُ شَ كّوَلِ تِنشِنشِيٍ شَ سَابُي رَ. مُشُ عِ مَشَندِ مَ عِ شَ كِنِكِنِ شُنفبٍ نَن سَابُي رَ.
19 مَرِفِ، عِ شَ مُشُ شَ دُبّ سُشُ. مَرِفِ، عِ شَ دِحّ. مَرِفِ، عِ شَ عِ حّنفِ سَ مُشُ شْن مَ. ﭑ مَرِفِ عَلَ، عِ نَشَ دُفُندِ، قٍ ندٍ رَبَ عِ شِلِ قَنيِ شَ قٍ رَ، بَرِ مَ عِ شِلِ سَشِ يِ تَا نُن يِ حَمَ نَن شُن مَ.»
20 ﭑ نَشَ وْيّن ﭑ مَرِفِ عَلَتَلَ بّ، ﭑ نَشَ ﭑ مَ يُنُبِيٍ نُن عِسِرَيِلَ حَمَ شَ يُنُبِيٍ مَسٍن عَ بّ. ﭑ مَن نَشَ ﭑ مَرِفِ عَلَتَلَ مَشَندِ عَ شَ فٍيَ سّنِيّنشِ بّ.
21 ﭑ تٌ نُ نَ عَلَ مَشَندِقٍ، يِبِرِلَ، ﭑ مَلٍكّ نَشَن تٌ ﭑ مَ شِيٍ سِنفٍ كُي نَشَ قَ عَ فِ رَ كٍلِ كٌورٍ مَ نُنمَرٍ سّرّشّ بَ تّمُي.
22 عَ نَشَ ﭑ شَرَن يِ وْيّنيِ رَ، «دَنِيّلِ ﭑ بَرَ قَ يَكْسِ عَلَكٌ عِ شَ قَهَامُي سْتْ.
23 عِ تٌ عَلَ مَشَندِ قْلْ تُن، عَلَ نَشَ ﭑ شّي عَلَكٌ ﭑ شَ مَسٍنيِ تِ عِ بّ، بَرِ مَ عَلَ شَنُنتٍنيِ نَن نَ عِ رَ. عِ شَ يِ وْيّنيِ رَ مّ، عِ شَ يِ لَامَتُنيِ قَهَامُ.»
24 «عَلَ بَرَ نَتّ تٌنفٌ
عِ شَ حَمَ نُن عِ شَ تَا سّنِيّنشِ
شَ لُ كٌنيِيَ كُي لْشْشُن تٌنفٌ سٌلٌقٍرٍ بُن مَ،
عَلَكٌ عٍ شَ قٍ حَاشِيٍ نُن عٍ شَ يُنُبِيٍ شَ دَن.
نَ وَشَتِ بُن مَ عٍ عٍ شَ يُنُبِ سَرٍ قِمَ نّ،
عٍ عَلَ شَ تِنشِنيِ سْتْ نَشَن مُ حْنمَ عَبَدَن.
نَ كُي، لَامَتُنيِ نُن نَمِحْنمّ شَ وْيّنيِ كَمَلِمَ نّ،
عَلَ مَن فبِلٍن عَ شَ يِرٍ سّنِيّنشِ.
25 عِ شَ عَ كٌلٌن، عِ شَ عَ قَهَامُ.
دَرِ سَلَمُ تِقٍ يَامَرِ مَ تّمُي نَشّ،
هَن مَنفّ سُفَندِشِ قَ تّمُي،
لْشْشُن سٌلٌقٍرٍ نَن دَنفِمَ.
بٍينُن لْشْشُن تٌنفٌ سٍننِ نُن قِرِن شَ دَنفِ،
تَا نُن عَ تّتّ قَمَ نّ تِدٍ،
هَلِ نَ قَ رَبَمَ تْورّ نَن نَ.
26 نَ لْشْشُن تٌنفٌ سٍننِ نُن قِرِن دَنفِ شَنبِ،
عٍ عَلَ شَ مِشِ سُفَندِشِ قَشَمَ نّ،
مِشِ يٌ مُ عَ شُن مَقَلَمَ.
نَ دَنفِ شَنبِ، مَنفّ ندٍ شَ حَمَ قَمَ نّ،
عَ نَ تَا نُن نَ يِرٍ سّنِيّنشِ كَنَ.
نَ فبَلٌي مِشِيٍ تّرّننَمَ نّ،
عَلْ بَنبَرَنيِ مِشِيٍ تّرّننَمَ كِ نَشّ.
فٍرٍ حَاشِ مُ حْنمَ هَن عَ حْن وَشَتِ نَشَن نَتّشِ.
27 نَ مَنفّ قَمَ نّ سَاتّ شِرِدٍ عَ تَن نُن مِشِ فبٍفبٍ تَفِ لْشْشُن كٍرٍن بُن مَ.
نَ لْشْشُن تَفِ، عَ تْنيِ دْشْمَ نّ سّرّشّ بَقٍ مَ.
عَ شَ كَنّ كَمَلِمَ قٍ رَهَرَ مُشِ حَاشِ ندٍيٍ نَن نَ.
عَ لُمَ نّ نَ قٍ بِرِن كُي هَن عَ قَشَ تّمُي، عَلْ عَ نَتّشِ كِ نَشّ.»