عَننَبِ هَبَكُكُ شَ كِتَابُي قْلْمَ مَشْرِنيِ نَن مَ عَ نَشَن تِ عَلَتَلَ مَ؛ «مُنقٍرَ عِ شَ حَمَ نَ تْورّ كُي؟» عَلَتَلَ نَشَ عَ يَابِ عَ شْرْشْي رَ، عَ قَلَقٍ رَ عٍ شَ تْورّ قَمَ نّ عَ شُن مَسَدٍ. عَلَ نُ بَرَ نَتّ تٌنفٌ عَ شَ كَاقِرِ رَوَلِ نَ حَشَنكَتّ دْشْقٍ رَ عَ شَ حَمَ مَ.

كْنْ نَ كٍلِشِ مُنسٍ مَ؟ عَننَبِ هَبَكُكُ شَ كِتَابُي نَ تَفِ رَبَمَ عَ قَنيِ رَ. عَلَ نَشَ عَ مَسٍن نَمِحْنمّ سَابُي رَ، نَ تْورّ بِرِن قَتَنشِ عِسِرَيِلَكَيٍ شَ وَلِ حَاشِ نَن نَ، عَلْ مُحّ تِقٍ، يّنّ رَبَقٍ، سِيسِقٍ، نُن كُيٍ بَتُقٍ. عٍ تٌ نُ نَ مْولِ رَبَمَ، نَ بَرَ عَ نِيَ عَلَتَلَ شَ نَتّ شْرْشْي تٌنفٌ عٍ شِلِ مَ.

عَلَتَلَ شَ يَرَفَاشُي نَشَ لُ عَننَبِ هَبَكُكُ بْحّ مَ. عَ نَشَ عَ مَشَندِ عَ شَ دِحّ عَ شَ حَمَ شَ يُنُبِيٍ مَ. عَلَتَلَ سّنبّ فبٌ، عَ مَفَاشُ، كْنْ عَ شَ شَنُنتٍيَ فبٌ نَ بِرِن بّ. نَ نَن عَ رَ، عَننَبِ هَبَكُكُ نَشَ عَ شَشِلِ تِ عَلَ رَ. عَ نَشَ نَتّ تٌنفٌ عَ شَ لُ عَلَ سَفٌي هَلِ نَ قِندِ حَشَنكَتّ شْرْشْي رَ عَ بّ.

عَلَ شَ وٌن مَلِ عَلَكٌ نَ شَشِلِ شَ لُ وٌن بِرِن يِ رَ. عَمِنَ.