9
حَمَ شَ سُنيِ
1 نَ كِكٍ شِ مْشْحّن نُن نَانِ لْشْي، عِسِرَيِلَكَيٍ نَشَ عٍ مَلَن عٍ شَ سُنيِ سُشُ. عٍ نَشَ سُننُن دٌنمَ رَفٌرٌ عٍ مَ، عٍ بّندّ مَسٌ عٍ قَتٍ مَ.
2 عِسِرَيِلَ بْنسْي نَشَ لُ يِرٍ كٍرٍن، شْحّ يٌ مُ نُ نَ عٍ يَ مَ. عٍ نَشَ عٍ شَ يُنُبِ نُن عٍ بَبَيٍ شَ يُنُبِ مَسٍن عَلَ بّ.
3 كُيٍ تٌ عِبَ، عٍ نَشَ تِ، عٍ عٍ تُلِ مَتِ تَوُرٍتَ مُنسَ شَرَنيِ رَ، عٍ مَرِفِ عَلَتَلَ نَشَن سٌشِ عٍ يِ رَ. سٌفٍ تٌ شْنْ قْلْ، عٍ نَشَ عٍ شَ يُنُبِ مَسٍن عٍ مَرِفِ عَلَتَلَ بّ، عٍ مَن نَشَ تُوبِ عَ بّ هَن سٌفٍ نَشَ تٍ عَ قَنيِ رَ.
4 لٍوِكَ يٍسُوَ، بَنِ، كَدَ مِيّلِ، سّبَنَيَ، بُنِ، سٍرٍبِيَ، بَنِ، نُن كٍنَنِ نَشَ تِ وُرِ يَءِلَنشِ مَ، عٍ قَ عٍ مَرِفِ عَلَتَلَ شِلِ عٍ شُي عِتٍشِ رَ.
5 لٍوِكَ يٍسُوَ، كَدَ مِيّلِ، بَنِ، شَسَبٍنٍيَ، سٍرٍبِيَ، هٌدِيَ، سّبَنَيَ، نُن ثٍتَشِيَ نَشَ عَ مَسٍن حَمَ بّ، «وٌ كٍلِ، وٌ شَ وٌ مَرِفِ عَلَتَلَ تَنتُ، دَنيِ مُ نَ نَشَن مَ.»
«مُشُ بَرَ عِ شِلِ شُنفبٍ مَتْشْ، نَشَن دَنفِ تَنتُي نُن مَتْشْي بِرِن نَ.
6 عِ تَن نَن نَ مُشُ مَرِفِ عَلَتَلَ رَ، عِ كٍرٍن، نَشَن كٌورٍ نُن تُنبُييٍ دَا، نَشَن بْشِ نُن عَ عِسٍيٍ بِرِن دَا، نَشَن بَا نُن يّشّ بِرِن دَا. عِ بَرَ نَ نِمَسٍ بِرِن دَا. هَلِ تُنبُي نَشٍيٍ نَ كٌورٍ مَ، عٍ قَن بَرَ تُوبِ عِ بّ.
7 عِ تَن نَن نَ مَرِفِ عَلَتَلَ رَ نَشَن عَننَبِ عِبُرَ مَ سُفَندِشِ، عَ عَ رَ مِنِ عُرُ كَلِدِ بْشِ كُي، عَ عِبُرَهِمَ شِلِ سَ عَ شُن مَ.
8 عِ نَشَ عَ تٌ عَ بْحّ تِنشِن عِ يَ عِ. عِ نَشَ سَاتّ تٌنفٌ عَ بّ، عِ شَ كَنَان بْشِ قِ عَ بْنسْي مَ، كَنَانكَيٍ، شِتِكَيٍ، عَمٌرِكَيٍ، ثٍرِ سِكَيٍ، يٍبُسُكَيٍ، نُن فِرِفَسَكَيٍ نُ نَ دّننَشّ. عِ بَرَ نَ سَاتّ رَكَمَلِ، بَرِ مَ عِ تِنشِن.»
9 «عِ نَشَ مُشُ بٍنبَيٍ شَ سُننُنيِ تٌ مِسِرَ بْشِ مَ، عِ مَن نَشَ عٍ شُي مّ شُلُنيُمِ بَا مَ.
10 عِ نَشَ كَابَنَكٌي نُن تْنشُمَيٍ رَبَ قِرَوُنَ، عَ شَ وَلِكّيٍ، نُن عَ شَ حَمَ بِرِن شِلِ مَ، بَرِ مَ عِ بَرَ عَ كٌلٌن عٍ بَرَ عٍ يّتّ عِفبٌ مُشُ بٍنبَيٍ مَ. نَ كُي عِ بَرَ شِلِ مَفَاشُشِ سْتْ، نَشَن نَ عِ يِ رَ هَن تٌ.
11 عِ نَشَ بَا بٌلٌن عٍ يَ شْرِ عَلَكٌ عٍ شَ فِرِ. عٍ نَشَ فِرِ عٍ شَرَشِ رَ بَا تَفِ، كْنْ نَشٍيٍ نُ بِرَشِ عٍ قْشْ رَ، عِ نَشَ يٍ رَدِن نٍيٍ شُن مَ، عِ عٍ رَدُلَ عَلْ فّمّ فٌرٌ مَ يٍ بْتِنِ مَ كِ نَشّ.
12 يَنيِ رَ، عِ نَشَ نُشُي قِندِ عٍ رَحّرّ سٍ رَ. كْي رَ، عِ نَشَ تّ تِ عٍ بّ نَشَن كِرَ عِيَلَنمَ، عٍ عٍ حّرّ مَ نَشَن نَ.»
13 «عِ نَشَ فٌرٌ تُرُ سِنِنَ فٍيَ قَرِ، عِ قَ وْيّن عٍ بّ كٍلِ كٌورٍ مَ. عِ نَشَ سّرِيّ تِنشِنشِ، نْندِ، مَرَ سِ نُن يَامَرِ قَنيِيٍ مَسٍن عٍ بّ.
14 عِ شَ وَلِكّ مُنسَ سَابُي رَ، عِ نَشَ عِ شَ مَلَبُي لْشْي سّنِيّنشِ شَ قٍ مَسٍن عٍ بّ، عِ شَ يَامَرِ، عِ شَ مَرَ سِ، نُن عِ شَ سّرِيّ.
15 كَامّ تٌ عٍ سُشُ، عِ نَشَ تَامِ رَفٌرٌ عٍ مَ كٍلِ كٌورٍ. يٍ شْلِ نُ نَ عٍ مَ تّمُي نَشّ، عِ نَشَ يٍ رَ مِنِ فّمّ لٌنفٌرِ رَ. عِ نَشَ عٍ شّي بْشِ تٌنفٌدٍ عِ عِ رَكَلِ نَشَن نَ سٌقٍ رَ عٍ يِ رَ.»
16 «كْنْ مُشُ بٍنبَيٍ نَشَ قِنسِرِوَلِيَ رَبَ عٍ شَ يّتّ عِفبٌحَ كُي. عٍ مُ عٍ تُلِ مَتِ عِ شَ يَامَرِ رَ.
17 عٍ مُ تِن عِ شُي رَتِنمّدٍ. عٍ مُ رَتُ عِ شَ كَابَنَكٌي مَ، عِ نَشٍيٍ رَبَ عٍ بّ. عٍ نَشَ عٍ كٌبٍ تِ عِ رَ، عٍ مَن نَشَ نَتّ تٌنفٌ فبِلٍنقٍ رَ كٌنيِيَ كُي. عٍ مَنفّ ندٍ سُفَندِ نَ نَن مَ. كْنْ عِ تَن مُ عٍ رَبّحِن، بَرِ مَ عَلَ نَن لَنشِ عِ مَ نَشَن دِحّمَ، نَشَن كِنِكِنِمَ، نَشَن هِننّمَ. عِ شَ شْنّ مُ مَقُرَ. عِ شَ شَنُنتٍيَ فبٌ.
18 عِ مُ عٍ رَبّحِن هَلِ عٍ تٌ نِنفٍ كُيٍ يَءِلَن يْشُي رَ، عٍ قَ عَ قَلَ، ‹مُشُ شَ عَلَ نَن يِ كِ نَشَن مُشُ رَ مِنِ مِسِرَ بْشِ مَ.› عٍ تٌ قٍ حَاشِ قَلَ عِ شَ قٍ رَ، عِ مُ عٍ رَبّحِن قٍقٍ مَ.
19 عِ شَ قٌنِسِرٍيَ كُي عِ مُ عٍ رَبّحِن فبٍنفبٍرٍنيِ مَ. عِ مُ نُشُي بَ عٍ يَ رَ، نَشَن نُ عٍ رَحّرّ مَ يَنيِ رَ. عِ مُ تّ بَ نَا، نَشَن نُ كِرَ عِيَلَنمَ عٍ بّ كْي رَ.
20 عِ نَشَ عِ شَشِلِ قَنيِ سٌ عٍ يِ رَ عَلَكٌ عٍ شَشِلِ شَ قَن. عِ نَشَ مَنَ تَامِ نُن يٍ سٌ عٍ يِ رَ عَلَكٌ عٍ شَ بَلٌ.
21 حّ تٌنفٌ نَانِ بُن مَ، عِ حّنفِ سَشِ عٍ شَ قٍ شْن مَ فبٍنفبٍرٍنيِ مَ. عٍ هَيِ نُ نَ سٍ نَشَن بِرِن مَ، عِ نَشَ نَ سٌ عٍ يِ رَ. عٍ شَ دُفِيٍ مُ كَنَ، عٍ سَنيِيٍ مُ قُنتُ.»
22 «عِ نَشَ مَنفّيَيٍ نُن سِ فبّتّيٍ سٌ عٍ يِ رَ، بْشِ نَشٍيٍ نُ نَ عٍ شَ بْشِ نَانِنيِ رَ. عٍ نَشَ مَنفّ سِشْن شَ بْشِ شّسِبْن تٌنفٌ، عٍ مَن نَشَ مَنفّ عٌفٌ شَ بْشِ بَسَن تٌنفٌ.
23 عِ نَشَ عٍ شَ دِيٍ رَوُيَ دَنفِقٍ تُنبُييٍ رَ نَشٍيٍ نَ كٌورٍ مَ. عِ نَشَ نَ بْشِ سٌ عٍ يِ رَ عِ نَشَن لَايِدِ عٍ بَبَيٍ بّ.
24 عٍ شَ دِيٍ نَشَ نَ بْشِ سْتْ. عِ نَشَ كَنَانكَيٍ نُن عٍ شَ مَنفّيٍ رَفٌرٌ عٍ يَ عِ، عِ نَشَ عٍ سَ عٍ بّلّشّ عِ، عَلَكٌ عٍ شَ عٍ وَشْنقٍ رَبَ عٍ رَ.
25 عٍ نَشَ تَايٍ نُن بْشِ قَنيِيٍ سْتْ، عَ نُن بَنشِ نَشٍيٍ رَقٍشِ هَرِفٍ رَ، كْلْنيِيٍ، وّنِ بِلِيٍ، عٌلِوِ بِلِيٍ، نُن سَنسِ فبٍفبٍ نَشٍيٍ بٌفِمَ عَ قَنيِ رَ. عٍ نَشَ عٍ دّفٍ، عٍ نَشَ لُفَ بَلٌي قَنيِ رَ، عٍ نَشَن سْتْ عِ شَ هِننّ سَابُي رَ.»
26 «كْنْ عٍ مُ لُ عِ شَ يَامَرِ بُن مَ. عٍ نَشَ عِ مَتَندِ، عٍ نَشَ عٍ كٌبٍ تِ عِ شَ سّرِيّ رَ. عٍ نَشَ عِ شَ نَمِحْنمّيٍ قَشَ، نَشٍيٍ نُ بَرَ كَوَندِ تِ عٍ بّ عٍ شَ فبِلٍن عِ مَ. عٍ نَشَ قٍ حَاشِ فبٍفبٍ رَبَ عِ رَ.
27 نَ كُي عِ نَشَ عٍ سَ عٍ يَشُييٍ بّلّشّ عِ، نَشٍيٍ بَرَ عٍ حَشَنكَتَ. كْنْ عٍ تٌ عِ شِلِ عٍ شَ تْورّ كُي، عِ نَشَ عٍ شَ مَشَندِ سُشُ كٌورٍ مَ. عِ نَشَ مَرَكِسِمَيٍ شّي عٍ شْن مَ، نَشٍيٍ بَرَ عٍ بَ عٍ يَشُييٍ بّلّشّ عِ.
28 عٍ تٌ مَلَبُي سْتْ، عٍ مَن نَشَ قٍ حَاشِ رَبَ قْلْ عِ رَ. نَ كُي، عِ نَشَ عٍ رَبّحِن عٍ يَشُييٍ يِ رَ، نَشٍيٍ بَرَ نْ عٍ رَ. كْنْ عٍ تٌ فبِلٍن عِ شِلِ رَ، عِ مَن نَشَ عٍ شَ مَشَندِ سُشُ كٌورٍ مَ عِ شَ قٌنِسِرٍيَ سَابُي رَ. عِ بَرَ عٍ رَتَنفَ سَنمَيَ وُيَشِ.
29 عِ نَشَ قٍ بِرِن نَبَ، عَلَكٌ عٍ شَ بِرَ عِ شَ سّرِيّ قْشْ رَ، كْنْ عٍ نَشَ عٍ يّتّ عِفبٌ، عٍ مُ عٍ تُلِ مَتِ عِ شَ يَامَرِيٍ رَ. عٍ نَشَ تٌندِ عِ شَ سّرِيّ رَبَتُدٍ، نَشَن نْمَ عَ رَبَتُمَيٍ رَكِسِدٍ. عٍ نَشَ عٍ كٌبٍ تِ عِ رَ، عٍ مُ عِ شُي رَبَتُ قٍقٍ مَ.»
30 «عِ نَشَ لُ عٍ سّيتِ مَ كَبِ تّمُي شْنكُيٍ. عِ نُ عٍ رَلِمَنِيَمَ عِ شَشِلِ رَ عِ شَ نَمِحْنمّيٍ سَابُي رَ، كْنْ عٍ مُ عٍ تُلِ مَتِ عِ رَ. نَ كُي عِ نَشَ عٍ سَ سِ فبّتّيٍ بّلّشّ عِ.
31 كْنْ هَلِ عِ تٌ نَ رَبَ، عِ تٌندِ نّ عٍ سْنتْدٍ عِ شَ قٌنِسِرٍيَ شَ قٍ رَ. عِ مُ عٍ رَبّحِن كٍرٍنيِ رَ، بَرِ مَ عَلَ نَن نَ عِ رَ نَشَن هِننّمَ مِشِيٍ رَ، نَشَن كِنِكِنِمَ عٍ مَ.»
32 «يَكْسِ، عِ تَن مُشُ مَرِفِ عَلَ شُنفبٍ، عِ سّنبّ فبٌ، عِ مَفَاشُ، عِ عِ شَ سَاتّ رَكَمَلِمَ، عِ هِننّمَ مِشِ رَ. يَندِ، عِ شَ عِ حّنفِ سَ مُشُ شَ تْورّ شْن مَ، مُشُ شَ مَنفّيٍ، مُشُ شَ كُنتِفِيٍ، مُشُ شَ سّرّشّدُبّيٍ، مُشُ شَ نَمِحْنمّيٍ، مُشُ بَبَيٍ، نُن مُشُ شَ حَمَ بِرِن. كَبِ عَسِرِيَ مَنفّيٍ شَ تّمُي، هَن تٌ مُشُ نَ تْورّ نَن كُي.
33 عِ بَرَ قٍ تِنشِنشِ رَبَ مُشُ بّ. عِ تَن بَرَ دُفُتّفّحَ رَبَ، كْنْ مُشُ تَن بَرَ قٍ حَاشِ رَبَ عِ رَ.
34 مُشُ شَ مَنفّيٍ، مُشُ شَ كُنتِفِيٍ، مُشُ شَ سّرّشّدُبّيٍ، نُن مُشُ بَبَيٍ مُ بِرَ عِ شَ سّرِيّ قْشْ رَ. عٍ مُ عٍ تُلِ مَتِشِ عِ شَ يَامَرِ نُن عِ شَ مَسٍنيِ رَ.
35 هَلِ عِ تٌ هَرِفٍ نُن بْشِ قَنيِ سَ عٍ شَ مَنفّيَ بُن مَ تّمُي نَشّ، عٍ مُ عِ شُي رَبَتُ، عٍ مُ فبِلٍن عٍ شَ وَلِ حَاشِيٍ قْشْ رَ.
36 تٌ لْشْي مُشُ نَ كٌنيِيَ نَن كُي. مُشُ بَرَ قِندِ كٌنيِيٍ رَ بْشِ مَ عِ دّننَشّ قِشِ مُشُ بٍنبَيٍ مَ، عَلَكٌ عٍ شَ بَلٌ نَ بْشِ قَنيِ سَابُي رَ.
37 كْنْ نَ بْشِ بٌفِ قَنيِ بِرِن لُمَ مَنفّ فبّتّيٍ نَن بّ، مُشُ نَ نَشٍيٍ بُن مَ مُشُ شَ يُنُبِيٍ شَ قٍ رَ. عٍ عٍ وَشْنقٍ رَبَمَ مُشُ قَتٍيٍ نُن مُشُ شَ شُرُ سٍيٍ رَ. مُشُ نَ تْورّ بٍلٍبٍلٍ نَن كُي.»