11
عِسِرَيِلَكَيٍ مَوَقٍ
1 لْشْي ندٍ، حَمَ نَشَ عٍ مَوَ عٍ شَ تْورّ شَ قٍ رَ عَلَتَلَ يَ عِ. عَلَتَلَ نَشَ شْنْ نَ قٍ مَ، عَ قَ تّ رَ سِن حَمَ تَفِ، عَ يِرٍ ندٍ فَن يٌنكِندٍ سّيتِ مَ.
2 حَمَ تٌ فبٍلٍفبٍلٍ مُنسَ رَ، عَ نَشَ عَلَتَلَ مَشَندِ. نَ كُي تّ نَشَ شُبٍن.
3 عٍ نَشَ نَ يِرٍ شِلِ سَ تَبٍرَ، نَ نَن نَ كِ «تّ مَنكَنّ،» بَرِ مَ عَلَتَلَ نُ بَرَ تّ رَ سِن عٍ تَفِ.
4 مِشِ كٌبِ ندٍيٍ تٌ وَ دٌنسٍ مْولِ فبّتّ شْن مَ، عِسِرَيِلَكَيٍ مَن نَشَ عٍ مَوَ، عَ قَلَقٍ رَ، «مُشُ وَ مَ سُبٍ نَن شْن!
5 مُشُ مُشُ رَتُمَ نَ دٌنسٍ قَنيِ مَ مُشُ نَشَن سْتْ مِسِرَ بْشِ مَ كْبِرِ شَنبِ، عَلْ يّشّ، كَاكُنبٌو سِ، بَسِكّتِ، يّبّ، نُن يّبّ مَنِيّ.
6 كْنْ يَكْسِ دٌنسٍ شْلِ مُ نَ مُشُ مَ، بَرِ مَ ‹مَنَ› دٌنسٍ نَن تُن نَ بٍ.»
7 نَ «مَنَ» نُ لُشِ نّ عَلْ قُندٍن شْرِ قِيشّ.
8 حَمَ نُ مِنِمَ عَ مَتٌنفٌدٍ، عٍ قَ عَ دِن فّمّ رَ، شَ نَ مُ، مُلُنيِ كُي. عٍ نُ لّكِ يَءِلَنمَ عَ رَ. عَ نُ لُشِ عَلْ تُرٍ نُ نَ عَ مَ.
9 مَنَ نُ فٌرٌ مَ شِنِ فٌرٌ تّمُي.
10 مُنسَ نَشَ حَمَ وَ شُي رَ مّ. مِشِ بِرِن نُ عٍ مَوَ مَ عٍ شْنيِ. عَلَتَلَ نَشَ شْنْ كِ قَنيِ رَ. مُنسَ نَشَ كْنتْقِلِ.
11 عَ نَشَ عَلَتَلَ مَشْرِن، «ﭑ مَرِفِ، مُنقٍ رَ عِ بَرَ يِ كْنتْقِلِ لُ عِ شَ كٌنيِ مَ؟ ﭑ مُنسٍ رَبَشِ نَشَن عَ نِيَمَ عِ شَ يِ حَمَ شَ كٌتٍ دْشْ ﭑ شُن مَ؟ ﭑ تَن نَن نُ وَ مَ عَ شْن؟
12 ﭑ تَن نَن عٍ بَرِشِ؟ مُنقٍ رَ عِ بَرَ عٍ سَ ﭑ بّلّشّ، ﭑ شَ عٍ شَنِن بْشِ مَ عِ نَشَن لَايِدِشِ عٍ بٍنبَيٍ بّ، عَلْ دِنفّ عَ شَ دِ شَنِنمَ كِ نَشّ؟
13 ﭑ سُبٍ سْتْمَ مِندٍن يِ حَمَ بِرِن بّ؟ عٍ عٍ مَوَ مَ عٍ وَ مَ سُبٍ شْن.
14 ﭑ كٍرٍن مُ نْمَ يِ حَمَ بِرِن شَ كٌتٍ رَ، عَ بِنيَ ﭑ بّ.
15 قَشّ نَن قِسَ نَ كٌتٍ بّ. شَ ﭑ مَ قٍ رَقَن عِ مَ، عِ نَشَ ﭑ شُن نَكَنَ.»
16 عَلَتَلَ نَشَ عَ مَسٍن مُنسَ بّ، «عِسِرَيِلَ قٌرِ تٌنفٌ سٌلٌقٍرٍ مَلَن ﭑ بّ، عِ نَشٍيٍ كٌلٌن تَا يَرٍرَتِيٍ نُن كُنتِفِيٍ رَ. عٍ شَ عٍ مَلَن هْرْ مْلِنفِرَ دّ رَ عِ سّيتِ مَ.
17 ﭑ قَمَ فٌرٌدٍ عِ يِرٍ، وٌن شَ وْيّن. ﭑ شَشِلِ سّنِيّنشِ نَشَن قِشِ عِ مَ، ﭑ نَ ندٍ بَمَ عِ مَ، ﭑ شَ نَ سَ عٍ قَن مَ، عَلَكٌ عِ كٍرٍن نَشَ يِ حَمَ شَ كٌتٍ شَنِن سْنْن. وٌ نُن نَ كُنتِفِيٍ نَن عَ شَنِنمَ قَ.»
18 «عَ قَلَ حَمَ بّ، ‹وٌ شَ وٌ يّتّ رَ سّنِيّن، بَرِ مَ تِنَ وٌ سُبٍ دٌنمَ نّ. عَلَتَلَ بَرَ وٌ وَ شُي مّ، عَ قَلَقٍ رَ، «مُشُ وَ مَ سُبٍ نَن شْن مَ. لُقٍ مِسِرَ نَن قِسَ.» عَلَتَلَ قَمَ سُبٍ قِدٍ وٌ مَ وٌ نَشَن دٌنمَ.
19 كْنْ وٌ مُ عَ دٌنمَ شّ شِ كٍرٍن، شَ نَ مُ شِ قِرِن، شَ نَ مُ شِ سُولِ، شَ نَ مُ شِ قُ، شَ نَ مُ شِ مْشْحّن.
20 وٌ عَ دٌنمَ نّ هَن كِكٍ كٍرٍن، هَن عَ مِنِ وٌ حْي كُي، هَن عَ رَحَاشُ وٌ مَ، بَرِ مَ وٌ بَرَ عَلَتَلَ رَبّحِن، نَشَن نَ وٌ يَ مَ. وٌ بَرَ وٌ مَوَ عَ قَلَقٍ رَ، «مُنقٍ رَ مُشُ مِنِشِ مِسِرَ؟»›»
21 مُنسَ نَشَ عَ مَسٍن عَلَتَلَ بّ، «عِ عَ قَلَمَ عِ سُبٍ قِمَ يِ حَمَ مَ كِكٍ كٍرٍن بُن مَ؟ ﭑ نَ شّمّ وُلُ كّمّ سٍننِ نَن يَ مَ.
22 شُرُ سٍ فْورّ مُ نْمَ عٍ رَلِدٍ سُبٍ رَ. هَلِ يّشّ نَشٍيٍ نَ بَا مَ، عٍ مُ نْمَ عٍ رَلِدٍ.»
23 عَلَتَلَ نَشَ عَ يَابِ، «ﭑ سّنبّ شُرُن نَ رَبَدٍ؟ عِ قَمَ عَ كٌلٌندٍ شَ ﭑ مَ وْيّنيِ قِندِشِ نْندِ نَن نَ.»
24 مُنسَ نَشَ سِفَ عَلَتَلَ شَ مَسٍنيِ دّنتّفّدٍ حَمَ بّ. عَ نَشَ حَمَ قٌرِيٍ مِشِ تٌنفٌ سٌلٌقٍرٍ مَلَن عَلَ شَ هْرْ مْلِنفِرَ رَبِلِنيِ.
25 عَلَتَلَ نَشَ فٌرٌ نُشُي كُي، عَ مَسٍنيِ تِ مُنسَ بّ. عَ نَشَ عَ يّتّ شَشِلِ سّنِيّنشِ ندٍ تٌنفٌ نَشَن نُ نَ مُنسَ مَ، عَ عَ سَ نَ قٌرِ مِشِ تٌنفٌ سٌلٌقٍرٍ مَ. نَ شَشِلِ سّنِيّنشِ تٌ فٌرٌ عٍ مَ، عٍ نَشَ سٌ مَسٍنيِ تِقٍ عَلَ شِلِ رَ، كْنْ عٍ مُ عَ عِكُيَ.
26 كْنْ شّمّ قِرِن نُ نَ نَ قٌرِ تٌنفٌ سٌلٌقٍرٍ يَ مَ نَشٍيٍ مُ سِفَ مَلَنيِ. عٍ مُ سِفَ هْرْ مْلِنفِرَ يِرٍ، عٍ نَشَ لُ يٌنكِندٍ كُي. كْنْ عَلَ شَشِلِ سّنِيّنشِ نَشَ فٌرٌ عٍ قَن مَ، عٍ قَ مَسٍنيِ تِ عَلَ شِلِ رَ حَمَ تَفِ.
27 قٌنِكٍ ندٍ نَشَ عَ فِ، عَ سَ عَ قَلَ مُنسَ بّ، «عٍلٍدَدٍ نُن مٍدَدِ نَ مَسٍنيِ تِقٍ عَلَ شِلِ رَ حَمَ تَفِ.»
28 نُنُ شَ دِ شّمّ يٌسُوٍ، نَشَن نُ مُنسَ مَلِمَ كَقِ عَ قٌنِكٍ تّمُي، عَ نَشَ عَ قَلَ مُنسَ بّ، «ﭑ مَرِفِ، عِ شَ نَ قٍ دَن.»
29 مُنسَ نَشَ عَ يَابِ، «عِ تْونّ تِقٍ ﭑ تَن نَن مَ قٍ رَ؟ عَ شْلِ ﭑ مَ عَلَتَلَ شَ حَمَ بِرِن قِندِ نَمِحْنمّيٍ رَ نَشٍيٍ بَرَ عَلَ شَشِلِ سّنِيّنشِ سْتْ!»
30 نَ تّمُي، مُنسَ نُن عِسِرَيِلَ كُنتِفِيٍ نَشَ فبِلٍن حَمَ يَ مَ.
31 عَلَتَلَ نَشَ قٌيٍ شُنفبٍ رَ مِنِ كٍلِقٍ بَا مَ، نَشَن شْنِ فبٍفبٍ رَدِن حَمَ يٌنكِندٍ رَبِلِنيِ، هَن كٍلِقٍ يٌنكِندٍ تَفِ، عَ سَ دْشْ قّيحّن كٍرٍن حّرّ رَ.
32 حَمَ نَشَ قّيحّن نَ شْنِيٍ مَتٌنفٌ رَ، هَن نَ كُيٍ عِبَ. عٍ مَن نَشَ قّيحّن شْنِيٍ مَتٌنفٌ رَ، هَن كَنكَن نَشَ ثَانِ يَ قُ سْتْ، لِتِرِ كّمّ سَشَن تٌنفٌ سُولِ سَمَ ثَانِ نَشَن كُي. عٍ نَشَ عٍ رَقٍن عٍ شَ يٌنكِندٍ رَبِلِنيِ.
33 كْنْ بٍينُ عِسِرَيِلَكَيٍ شَ فّ نَ سُبٍ دٌندٍ، عَلَتَلَ نَشَ شْنْ عٍ مَ، عَ عٍ حَشَنكَتَ عَ شْرْشْي رَ.
34 عٍ نَشَ نَ يِرٍ شِلِ سَ كِبِرٌتِ هَتَاوَ، نَ نَن نَ كِ «مِلَنتٍ فَبُرِ،» بَرِ مَ مِلَنتٍ فَلِ نَن نَفَتَ مّننِ.
35 حَمَ نَشَ كٍلِ كِبِرٌتِ هَتَاوَ، عٍ سَ يٌنكِن شَسٍرٌتِ.