9
बाबेल रे लेश्शा, यरूसलेममी बाक्ब मुर
1 मोपा इस्राएली नेल्ल आन खिं खिं ङा मुर आन नें ब्रेक्शो बाक्मा बाक्त। मेको आन नें इस्राएल ङा पिप आन किताबमी ब्रेक्शो बाक्मा बाक्त। मिनु यहूदा ङा मुर आन परमप्रभु आ देंशो मटितीके बेबीलोनम ग्याइश्शा लाइक्चा पुंइसीमा बाक्त। २राजा २४:१५-१६
2 मिनु नेल्ल क्येङा ङोंइती लेंशा आंम थेरशो रू नु आंम आन सहरपुकीम बाक्ब सु सु बाक्मा बाक्त देंशा हना, इस्राएल ङा मुर, चढ़ेब, लेवी नु परमप्रभु यावे आ खिंम गेय पाइबपुकी बाक्मा बाक्त। यहोसु ९:२३,२७; एज्रा ८:२०
3 मिनु यहूदा आ थर ङा, बेन्यामीन आ थर ङा, एफ्राइम आ थर ङा नु मनस्से आ थर ङा मुर का निक्शी यरूसलेम सहरम बाक्मा बाक्त। नहेम्याह ११:३-१९
4 मेको सु सु बाक्मा बाक्त देंशा हना, उथाइ आ आफ अम्मीहुद, अम्मीहुद आ आफ ओम्री ओम्री आ आफ इम्री, इम्री आ आफ बानी बानी आ आफ पेरेस नु पेरेस आ आफ यहूदा बाक्मा बाक्त।
5 मिनु शिलो ङा मुर रे ङोंइती थिशो तौ आसायाह नु आ तौपुकी बाक्मा बाक्त।
6 जेराह आ ङोंइती ङा तौ येहुएल नु आ खिं खिं ङा मुर बाक्मा बाक्त। मेको नेल्ल पा ६ सहे ९० जना बाक्मा बाक्त।
7 बेन्यामीन आ थर ङा मुर रे सल्लु आ आफ मेशुल्लाम, मेशुल्लाम आ आफ होदावीयाह, होदावीयाह आ आफ हास्सेनुआ,
8 हास्सेनुआ आ आफ इब्नैआ, इब्नैआ आ आफ येरोहाम येरोहाम आ आफ एलाह, आ आफ उज्जी, उज्जी आ आफ मिक्री, मिक्री आ आफ मेशुल्लाम, मेशुल्लाम आ आफ शेफत्याह, शेफत्याह आ आफ रूएल, रूएल आ आफ इब्नीयाह बाक्मा बाक्त।
9 मिनु आन पाला ङा खिं खिं ङा ९ सहे ५६ जना मुर बाक्मा बाक्त। मेको नेल्ले आन खिं खिं ङा ठेयब मुर बाक्मा बाक्त।
10 चढ़ेब आन दाते ङा सु सु बाक्मा बाक्त देंशा हना, येदायाह, येहो-यारीब, याकीन,
11 अजारयाह आ आफ हिल्कीयाह, हिल्कीयाह आ आफ मेशुल्लाम, मेशुल्लाम आ आफ सादोक, सादोक आ आफ मेरायोथ, मेरायोथ आ आफ अहीतुब बाक्मा बाक्त। अहीतुब परमप्रभु आ खिं ङा नेल्ल क्येङा ठेयब मुर बाक्माक्त। १इतिहास ५:३८-३९
12 मिनु अदायाह आ आफ येरोहाम, येरोहाम आ आफ पाश्हुर, पश्हुर आ आफ माल्कीयाह, माल्कीयाह आ आफ मासाइ, मासाइ आ आफ अदीएल, अदीएल आ आफ याहजेराह, याहजेराह आ आफ मेशुल्लाम, मेशुल्लाम आ आफ मेशील्लेमीथ, मेशील्लेमीथ आ आफ इम्मेर बाक्मा बाक्त।
13 मेको आन खिं खिं ङा ठेयब मुर बाक्मा बाक्त। मिनु नेल्ले परमप्रभु आ खिंम गेय पचा जोक्ब तुइक्ब हजार का ७ सहे ६० जना बाक्मा बाक्त।
14 मिनु लेवी आ थर ङा मुर सु सु बाक्मा बाक्त देंशा हना, शेमायाह आ आफ हाश्शुब, हाश्शुब आ आफ अज्रीकाम, अज्रीकाम आ आफ हशाब्याह, हशाब्याह आ आफ मेरारी बाक्मा बाक्त।
15 मिनु बाकबाकार, हेरेश, गालाल नु मत्तन्याह आन आफ मीका, मीका आ आफ जिक्री, आ आफ जिक्री आ आफ आसाफ बाक्मा बाक्त।
16 मिनु ओबदिया आ आफ शेमायाह, शेमायाह आ आफ गालाल, गालाल आ आफ येदुथून, येदुथून आ आफ बेरेक्याह, बेरेक्याह आ आफ आसा नु आसा आ आफ एल्काना बाक्मा बाक्त। मेकोपुकी नेतोफाह ङा मुर आन गाउंमी बाक्शो बाक्मा बाक्त। १इतिहास २:५४
17 लाप्चो खाल पाइबपुकी शाल्लुम, अक्कुब, ताल्मोन नु अहीमान बाक्मा बाक्त। मिनु आन लोक्ब शाल्लुम आन ठेयब मुर बाक्माक्त।
18 मेको ङोंइती पूर्ब गे पिप आ लाप्चो खाल पाइब बाक्माक्त। मिनु अरु लेवीपुकी लेवी आन बाक्तीक ङा लाप्चो खाल पाइब बाक्मा बाक्त।
19 शाल्लुम आ आफ कोरे, कोरे आ आफ एब्यासाफ, एब्यासाफ आ आफ कोराह बाक्मा बाक्त। कोराह आ खिं खिं ङा मुर गेय आन ठेयब मुर बाक्तेक्म। मिनु परमप्रभु यावे आ ताम्बु आ ओव़तीक खाल पाइब आन किकी पिपी खोदेंशो पाइब बाक्मा बाक्त। २इतिहास ३४:९
20 मेको क्येङा ङोंइती एलाजर आ तौ फिनेहास मेको आन कली कोव़ब ठेयब मुर बाक्माक्त। मिनु परमप्रभु यावे मेको नु बाक्माक्त। गन्ती२५:७-१३
21 जकरिया मेशेलेम्याह आ तौ ग्रुम्तीक ताम्बु ङा ओव़तीक खाल पाइब बाक्माक्त।
22 मेको नेल्ल लाप्चो खाल पाइब योव़शो सहे निक्शी १२ जना मुर बाक्मा बाक्त। मेको आन नें आन गाउं गाउंमी ब्रेक्तीकेम ब्रेक्शो बाक्मा बाक्त। दाऊद नु परमप्रभु यावे आ लोव़ पाइब सामुएलम थमा सुइक्चा पुंइसीशो मुर आन कली मेको गेय गेम्से बाक्त। १सामुएल ९:८-११
23 मेको नु आन तौ चच परमप्रभु यावे आ बाक्तीक ङा ओव़तीक खाल पाइब बाक्मा बाक्त। मेको बाक्तीक ताम्बु बाक्माक्त।
24 मेकोपुकी परमप्रभु यावे आ बाक्तीके खाल पाइब पूर्ब, पच्छिम, उत्तर नु दक्खिन एर ओंथ गे बाक्मा बाक्त।
25 मेको आन खिं खिं ङा मुर आन गाउंम बाक्मा बाक्त। मेकोपुकी ७, ७ नाक्त पा मेको नु बाक्थ जाक्चा माल्मा बाक्त।
26 मिनु मेको लाप्चो खाल पाइब आन कली कोव़ब ठेयब मुर लेवी आ मुर ४ जना बाक्मा बाक्त। मेकोपुकी परमप्रभु आ खिं ङा कोठा नु शोंप वोइक्तीक कोठा खाल पाइब बाक्मा बाक्त।
27 मेकोपुकी नाक्दो परमप्रभु आ बाक्तीके आ नेक्था बाक्बाक्मा बाक्त। मारदे हना मेको आन गेय नाक्दो कोव़तीक बाक्माक्त। मिनु सुनी कुस कुस परमप्रभु आ बाक्तीक रोक्चा माल्बाक्मा बाक्त।
28 मेको आन दाते ङा का निक्शीमी परमप्रभु आ बाक्तीके ङा गेय पतीक मार मार खाल पाइब बाक्मा बाक्त। मेकोपुकीमी मार मार आगा लदमेनु नु ग्रुंइदमेनु, हिक्शा वोइक्चा माल्बाक्मा बाक्त।
29 मेको आन दाते ङा अरुमी परमप्रभु यावे आ ग्योंब नेल्ल, फस, अङगुर शांबु, तेल, धूप नु मस्ला खाल पाइब बाक्मा बाक्त।
30 चढ़ेब आन तौ ङा का निक्शीम मस्ला ब्वाइक्तीक गेय पाइबाक्मा बाक्त। प्रस्थान ३०:२३-२५
31 मिनु लेवी आ थर ङा कोराह आ खिं ङा मुर शाल्लुम आ ङोंइती थिशो तौ मत्तीथ्याहमी शोब्ले सेल्तीक गेय पाइब बाक्माक्त।
32 मेको आन खिं खिं ङा मुर कोहाथ आ मुर का निक्शीमी नाइक्तीक नाक्ती कोंइतीक शोब्ले ठीक पा वोइक्तीके गेय पाइबाक्मा बाक्त। लेवी २४:५-८
33 मिनु कुम्सो पाइब नु लेवी आन खिं खिं ङा ठेयब मुर परमप्रभु यावे आ खिं ङा कोठापुकीम बाक्बाक्मा बाक्त। मिनु अरु गेय पचा ममाल्बाक्मा बाक्त। मारदे हना मेको आन गेय नाक्दो नु नाक्ती बाक्माक्त।
34 मेको नेल्ल आन पालामी लेवी आ थर ङा खिं खिं ङा ठेयब मुर बाक्मा बाक्त। मिनु यरूसलेम सहरम बाक्बाक्मा बाक्त।
सावल आ किक नु चच युइ
१इतिहास ८:२८-३८
35 गिबोन आ आफ यिएल गिबोन सहरम बाक्शो बाक्माक्त। मेको आ मीश आ नें माकाह बाक्माक्त।
36 मेको आ ङोंइती थिशो तौ अब्दोन बाक्माक्त। मिनु नोले ङा तौ सुर, कीश, बाल, नेर, नादाब,
37 गेदोर, अहीयो, जकरिया नु मीक्लोथ बाक्मा बाक्त।
38 मीक्लोथ शिमे-आम आ आफ बाक्माक्त। मेकोपुकी यो यरूसलेमम आन खिं खिं ङा मुर आन नेक्था बाक्बाक्मा बाक्त।
39 नेर कीश आ आफ बाक्माक्त। कीश सावल आ आफ बाक्माक्त। सावल योनाथन, माल्कीशुआ, अबीनादाब नु एश-बाल आन आफ बाक्माक्त।
40 योनाथन आ तौ मेरीब-बाल बाक्माक्त। मिनु मेरीब-बाल मीकाह आ आफ बाक्माक्त।
41 मीकाह आ तौ पिथोन, मेलेक, ताहरेआ नु आहाज बाक्मा बाक्त।
42 आहाज याराह आ आफ बाक्माक्त। मिनु याराह आलेमेथ अज्मावेथ नु जिम्री आन आफ बाक्माक्त। जिम्री मोचा आ आफ बाक्माक्त।
43 मिनु मोचा बिनेआ आ आफ बाक्माक्त। बिनेआ आ तौ रेफायाह बाक्माक्त। रेफायाह आ तौ एलेआसाह बाक्माक्त। एलेआसाह आ तौ आसेल बाक्माक्त।
44 आसेल के ६ जना तौ बाक्मा बाक्त। मिनु मेको आन नें अज्रीकाम, बोकेरु, इश्माएल, शेआरयाह, ओबदिया नु हानान बाक्मा बाक्त। मेको नेल्ल आसेल आ तौ बाक्मा बाक्त।