Pathen thu a hin, Pakai lunggel chule eiho dinmun, huhhingna lampi, michonse ho nungjui chule tahsan chate ho kipana ding ho jouse amu sohkei in ahi. A Dan hi athengsel in, Athupeh ho hi adetchet e, Athusim jong adih in, thumakai achepi ho jouse jong a hing jingin, akikhel poi. Chih nadingin Pathen thu hi sim jingin, na pui houi dingin tahsan in, A thu theng hi kihil sah jingin. Achutileh, Pakai thu chu nang dinga na lamjot na lampi salvah a pang ding, na gilkel ni jongleh nava sah ding , na chol ni le jong na kipasah ding ahi. Pathen thu hi kholjin lamjot pa a dinga a lam ko jangpeh a pang ahi, mun gamla jot pa dinga a teng gol chule thal choipa dinga a chem jam chule a tahsan pa dinga kihilna Dan buh ahi. Hiche ahin Van gam a ki hong in, Damun meidil kotpi jong akitah lang in ahi. Pathen thu a hin Yeshuwa Christa chu athu bul pen ahin, chule eiho phatna ding dungjuiya thu hung kisem ahi, hichejouse hi Pathen loupina dinga ahi. I lunggel sung uva ichen sah diu, athu bul hi ipom chah kheh dingu chuleh thu hin i keng se na lampi u jong a hil ding ikipui sah dingu ahi. Ani seh in taona to thon,(Rome 12:12) ki no lou vin sim jom jing u hite. Ajeh chu Pathen thu hi haona, loupina le kipana sangpen hungkon na ahi. Na damlai a Pakai thu hi nakipe ahin, hinlah na ki kou tou ni tengleh, na hinlai thu ki tan bep ding ahi. Hijeh chun Pathen thu hi eleiset damlai uhin epoh gih u lenpen ahi, aga jong alou pi pen, a thupen ahi, totna le kichepna a nei ho jong a nikho a thu kitan ding ki haimil louding ahi.