12
Mose’n Anajo Lengho
1 Israelten ana thagammuva agammu analahpeh’u Jordan vadung solam’a cheng lengho chu hichehohi ahiuve. Agamlah uchu Armon vadunga konna Hermon molchan ahung kijedoh’in, Jordan phaicham solam gamkaise jong ahopmin ahi.
2 Heshbon’a cheng Amormi Sihon lengpa jong chu anajouvun ahi, ama lenggam chun Arnon vadung geichinna um Aroer jong ahopmin, hiche chu Arnon vadung akimma konna Jabbek vadunggei ahin hiche hin Ammon mite gamgi melchihna chu ahitai.
3 Sihon thaneina in Jordan phaicham solam gamkai Galilee tuilen sahlanga konna Chitwilen changgei ahopmin, Bath-jeshemath leh Pisgah lhanglang jong ahopphan ahi.
4 Ashteroth khopile Edrei khopia anacheng Raph-aim mite lah’a hingdohpa, Bashan lengpa Og kitipa jong ahin,
5 Amahin Hermon molsang pumpi chungleh Salecah gammang toh, chuleh Bashan gamsungsese chunga vaihomma anapanga Geshur mite leh Maacah mite gamgi geija anapehtha ahin, chutengleh Gilead gam kehkhat chunga jong vaihomma, Heshbon lengpa Sihon gamgi geija vai anahom ahi.
6 Pakai lhacha Mose le Israel chaten hiche leng teni hi akisatpiuvin ajoutauve, hicheahi Pakai lhacha Mose in amani gamsung pumpi chu Reuben chate leh Gad chate chuleh Manasseh phung kehkhat chenna dia anapeh ahi.
Joshua Lamkai Na A Anajo Leng Ho
7 Jordan vadung gal nilhumlam Lebanon phaicham Baal-gad kiti laiya patna Seir niso lamma hung kikhangdoh Halak molsang geija Joshua leh Israel chaten asatgammuva Joshua’n agamjouseu Israel phung mite chenna dia anapehdoh agamnei lengho chu hichenghi ahiuvin,
8 Agam hop monghi thinglhang gamsung jong, phaigam jong Arabah gamsung jong molken suhsejong, gamthip sungjong, Nageb gamsung jong ahin, Hit mite, Amor mite, Canaan mite Periz mite, Hivi mite chule Jebus gamsung sese chu ahi.
9 Alengho chu Jericho lengpa ahin Bethel khopia konna Ai khopi lengpa ahin,
10 Jerusalem lengpa ahin, Hebron lengpa ahin,
11 Jermuth lengpa ahin, Lachish lengpa khat ahin,
12 Eglon lengpa ahin, Gezer lengpa ahin,
13 Debir lengpa ahin, Geder lengpa ahin,
14 Hormah lengpa ahin, Arad lengpa ahin,
15 Libnah lengpa ahin, Adullam lengpa ahin,
16 Makkedah lengpa ahin, Bethel lengpa ahin,
17 Tappuah lengpa ahin, Hepher lengpa ahin,
18 Aphah lengpa ahin, Lasher’on lengpa ahin,
19 Madon lengpa ahin, Hazor lengpa ahin,
20 Shimron-meron lengpa ahin, Ach-shaph lengpa ahin,
21 Taunach lengpa ahin, Magiddo lengpa ahin,
22 Kadesh lengpa ahin, Carmel molla Jokni’am lengpa ahin,
23 Naphatdor gamma Dor lengpa ahin, Galilee gamma Goi’im lengpa ahin,
24 Tirzah lengpa khatjong ahin, abonchan leng somthum le khat chu anajouvin ahi.