52
Kiletsah Aphatchomna Umlou.
Edom mi Doegin Saul jah a “ Ahimelech mite toh David akimuto e” tia asei jouva David labol.
1 Gal hang nangman idia na thilse bol ho kiletsahpi nahim?
Pathen thutan dihje hi tonsot a aum jing helou nahim?
2 Nilhumkei keijin nangman manthahna ding jeng na gong e.
Na leigui in jong chem hemtah in mi a-at abangin;
jouthu seijin nangma nathem lheh e.
3 Nang'in thilpha sang'in thilse na deijon
thutah sangin jong jou nadei joi.
Selah
4 Na thujou ho a chun, nangman mi suhmang ding
nadei e!
5 Hinlah Pathen'in nangma nahin suhmanghel ding ahi.
Aman na in'a kon a nahin kaidoh ding
chuleh mihing chenna gam'a kon'a nahin bodoh ding ahi.
Selah
6 Michonpha hon hichu hin mu uvin tin ahin datmo diu ahi.
Ama hon hin nuisat intin asei diu,
7 “Veuvin Pathen tahsanlou
gal hat ho chung'a hi ipi thilsoh a hitam.
Amaho ahao nauva akisong'un
athilse bol nauva akhangtou cheh-cheh un ahi.”
8 Hinlah keima vang Pathen Hou-In'a keh Olive thing hing hoitah tobang kahi.
Keiman phat tin'a Pathen mi ngailutna longlou chu ka tahsan jing ding ahi.
9 O Pathen, na thilpha bol jeh hin
nangma thangvah jing inge.
Na mitheng te masang'a
namin ngaitah chu tahsan jing tang'e.