99
Zion Dinga Pakai Kitahna
1 Pakai hi leng ahi! Chitin namtin kithing thingjeng hen! Ama Cherub teni kikah a laltouna a atouvin ahi. Vannoi leiset pumpi kithing hen.
2 Pakai chu Jerusalem ah loupitah in atouvin ahi. Chitin namtin ho jouse chung vum a dopsang'in aum'e.
3 ama hon namin gimneitah chu thangvah uhen, naminhi athenge!
4 Lengloupi thudih ngailua, nangin thildih hi nadomsang'in, thudih in kal nasong'in Israel lah-a thudih nachelhah sah in ahi.
5 Pakai I-Pathen'u hi dopsangin umhen! A-angsung'ah bohkhup un, ajeh chu Ama hi atheng ahi.
6 Mose le Aaron jongchu thempu ahilhon e, Samuel injong Amin anakouve. Ama hon Pakai kom'ah panpi ngaichan anakouvun ahi, chuleh Aman anahouvin ahi.
7 Aman meilom lah a kon'in Israel ho lah-a thu anasei in, ama hon Pakaijin apeh-u Dan le thupeh ho chu anajui un ahi.
8 O Pakai ka Pathen'u! nangin amaho na-na donbut in ahi. Nangma hi amaho ding a mi ngaidam jing Pathen nahi, ahinla amaho achekhel tengu leh nagim boljin ahi.
9 Pakai, I-Pathen'u hi domsang'un chuleh Jerusalem a moltheng achun chibai boh'un ajeh chu Pakai, I-Pathen'u hi atheng ahi.