7
అతను ఆమె అందాన్ని ఇలా ప్రశంసిస్తాడు
1 రాకుమారీ, ఆ పాదరక్షల్లో నీ పాదాలెంతో అందంగా ఉన్నాయి
నీ తొడల వంపులు శిల్పి మలిచిన ఆభరణాల్ల ఉన్నాయి.
2 నీ నాభి గుండ్రటి కలశంలా ఉంది
దానికెన్నడూ ద్రాక్షారసం కొరత లేకుండుగాక.
నీ ఉదరం పద్మ వలయితమైన
గోధుమ రాశిలా ఉంది.
3 నీ స్తనాలు లేజవరాలైన జింక
అప్పుడే కన్న కవల పిల్లల్లా ఉన్నాయి.
4 నీ మెడ దంతపు గోపురంలా ఉంది
నీ నేత్రాలు బాత్ రబ్బీన్ సరసన ఉన్న
హెష్బోనులోని తటా కాల్లా ఉన్నాయి.
నీ నాసిక దమస్కు దిక్కుకి చూచే
లెబానోను శిఖరంలా ఉంది.
5 నీ తల కర్మెలు పర్వతంలా,
నీ తల నీలాలు పట్టుకుచ్చుల్లా వున్నాయి.
నీ సుదీర్ఘ కేశాలు చూసిన రాజు కూడా
నీ వశం అవుతాడు.
6 నీవు అతిలోక సుందరివి! అత్యంత మనోహరివి!
ప్రియదర్శినివి! అందమైన, ఆహ్లాదకరమైన యువతివి!
7 నీవు తాళవృక్షంలా పొడుగరివి.
నీ స్తనాలు తాటిపళ్ల గెలల్లా వున్నాయి.
8 నాకు ఆ చెట్టుపైకి ఎక్కాలని,
దాని మట్టలు పట్టాలని ఉంది.
నీ స్తనాలు ద్రాక్షా గుత్తుల్లా నీ ఊపిరి
ఆపిలు సువాసనలా ఉన్నాయి.
9 నీ నోరు శ్రేష్టమైన ద్రాక్షారసంలా అది
నీ నోట జాలువారి నిద్రాముద్రిత ప్రియుని
అధరాలను స్పృజించే మధువులా ఉండాలి.
ఆమె అతనితో అంటుంది
10 నేను నా ప్రియునిదానను
నన్నతను వాంఛిస్తాడు!
11 ఓ నా ప్రియుడా రా,
చేలల్లోకి పోదాము రా,
పల్లెల్లో రేయి గడుపుదాము రా,
12 పెందలకడ లేచి ద్రాక్షాతోటలకు పోదాము
ద్రాక్షా తీగలు మొగ్గ తొడిగాయో
లేదో ఆ మొగ్గలు విచ్చుకున్నాయో
లేదో దానిమ్మ చెట్లు విరబూశాయో లేదో తనివితీరా చూద్దాము. రా.
అక్కడ నేనిచ్చునా ప్రేమ అందుకొన రా.
13 ప్రేమ వర్ధక మండ్రేక ఓషధుల్నీ
మా గుమ్మాన వేలాడే పరిమళభరితమైన పువ్వుల్నీ చూడు!
ఓ నా ప్రియుడా, నీకై దాచి ఉంచాను ఎన్నెన్నో పండువీ,
దోరవీ పండ్లు తిని చూడు!