2
Yunusna düə
1 Rəbbee geed xədın baluğ qali'ı Yunus k'öğəs ilekka. Yunus baluğne vuxhnee xhebılle yiğnayiy xheyible xəmna axva.
2 Yunusee baluğne vuxhnenang'a cune Rəbbis Allahıs inəxübna düə haa'a:
3 Rəbb, zı dağamiyvalenang'a Valqa onu'u,
Ğunad alidghıniy quvuyn.
Zı ahaleençe ts'ir hav'u,
Vak'le yizda ts'ir g'avxhuna.
4 Ğu zı deryahne k'oralybışeeqa g'uvorxhul,
Zı xhyanbışde yı'q'nee axu,
Yiğın gırgın xhyanbıyiy dalğabı
Zal ooğançe ılğeeç'u.
5 Manke zı uvhuyn: «Ğu zı Vake əq'əna qı'ı,
Meed zak'le Yiğın muq'addasın xav İyerusalimee g'acesıncad».
6 Nafas əlyhəəsme xhyanbı zalqa qadı,
K'oralybışeeqa qıkkı,
Vuk'lelqad xavsiy alitk'ır.
7 Suvabışde avqamee zı giç'una,
İttehesu Ğu dunyeyn akkabı zal oğa it'umetxha.
Ğumee yizda Rəbb Allah
Yizın tan k'oralybışeençe g'attixhan hı'iyn.
8 Yizda ı'mı'r k'yabat'amee,
Zı Rəbb yik'el qali'ı,
Yizda düə Valqa,
Yiğne muq'addas xaalqa hipxhırna.
9 Şavaayiy nişiscad karaı'dəəne bütbışis ı'bəədat ha'a,
Manbışe Ğu yik'el hixan ha'a,
Colqana rəhı'm avaak'an haa'a.
10 Zımee şukur haa'ane mə'niybışika
Vas q'urbanbı allya'as.
Zı huvuyn cuvab cigeeqa qalya'asın.
G'attivxhan haa'ana sa Rəbb Vuc vorna!
11 Rəbbee baluğuk'le uvhuyng'a, mançin Yunus ghalençe xhyan deşde cigeeqa qığayhe.