GALA Daawoo Zɛʋɛi Zelemi 45

Zelemi ná-keela wooi Ɓaluke ná-faa zu

1 Siɛgi zu Neliya ná-doun zunui Ɓaluke GALA goo wo nui Zelemi wooiti sɛʋɛni la sɛʋɛ ɓiligi zu, Zoziase ná-doun zunui Yeɠoyakime, Zuda masagi ná-kona naanisiɛi ɠɛni de. É ɠɛni Ɓaluke ma: 2 «Ɠɔoɠɔ GALAGI, Izilayɛle ná-GALAGI wooi ɠaa ɗa-vaa zu, Ɓaluke: 3 ‹È ɠɛni ma: Màanɔɠɔa, mazɔlɔɔ Ɠɔoɠɔ GALAGI ɠa ta ɓɔsu nɔ nà-kpɔlɔi ta nà-ziizoolɛiti ba. Sùvikɛi ɠulaa zèa ga kpalagi maaʋele gè gola wosu, gè la mɔ dooɠo bosu.› 4 Ɠɔoɠɔ GALAGI wooi ɠaa, é bogai mà ga gè bo è ma: ‹Nii gè toni, naa ɠa gè golozu. Nii gè siinni, naa ɠa gè tɔɔɠulazu. Zekana é la niima yooi zu ná pɛ. 5 Ɗɔun ɗa, ɗa-undaanɛ vaiti ka è ti ɠaiziɛzu! Mina ɠigaiziɛ naa zu. Mazɔlɔɔ nà ʋaazu ga kpɔlɔi, é zeeli fuluanii pɛ ma,› Ɠɔoɠɔ GALAGI wooi ɠana. ‹Kɛlɛ nà è-yɛnvui yɛ è ya, ɗa naa mu sɔlɔɔ ɓalaa, ʋɛ nɔpɛ ɗa li ná.› »