122
À ziilɛigi vali Zeluzalɛme ʋɛ
1 Tɛɛ wo guyei. Davide ná-guyei.
Kòozunɛɛni gola, siɛgi zu ti ɠɛni mà la:
«Ade li Ɠɔoɠɔ GALAGI zei ʋɛlɛi ma ɠoizuʋɛ!»
2 Wɛlɛ, gi-ɠɔɠɔiti ti loga ɗa-ziɠidaʋɛti, ee, Zeluzalɛme!
3 Zeluzalɛme, taa wolai togai ga pagɔ,
ná-siɠigiti kakugai ma, é ɠɛ ga ani ɠila kpe.
4 Miná ɠa bolodamaiti ta ɗa ʋa ná, Ɠɔoɠɔ GALAGI ná-bolodaiti,
ti ʋa, ti Ɠɔoɠɔ GALAGI maamusɛ náʋɛ,
naa ɠa ga tɔgi Izilayɛle ʋɛ.
5 Náʋɛ ɠa masa kpɔkpɔgiti ti ná, Davide mavofodai ʋɛ,
ʋɛ é zeizu ná, é ɗa tukpɔi ɠaaleʋe.
6 À GALA fali ga Zeluzalɛme ziilɛigi zɔlɔɔ, wo ɠɛ ma:
«Zeluzalɛme, niiti ti è nɛai ʋɛ, naati ti eteai ziɛ ziilɛigi zu.
7 Ziilɛigi masadai ɠɛ ɗa-ziɠigiti su,
ta ɗa-masa pɛlɛiti ziilɛi ɓɔɠɔ ma tɔɔn.»
8 Kɛ̀ɛleaiti ta bɔ̀ɔlaiti maaʋele ma,
zìimai ɠa ga: «Ziilɛigi ɠɛ è ʋɛ!»
9 Ɠɔoɠɔ GALAGI, ada-ƓALAGI zei ʋɛlɛi ná-fai maaʋele ma,
nà undaanɛɛi ɠaiziɛzu è ʋɛ.