8
1 O Yeoba ama Guyau, esam inamwanamwasosi yanuwa yaulina meuloina koina.
Kam tobali isae bulibuli ikabitonan.
2 Siya melumeluwo lalakili yo kikiuli kam tobali siwaliyan. Kam tokalomagigiliwo kupei-suwalagili koliwo yo kam kaleyayao kuyamwanouli.
3 Saugana bulibuli yagitai, nimam ali paisowa, waikena yo utu, kupeili ali kaba miya mena kabo yawaloba,
4 “O Yaubada, tawae tomo, mwa kaiweli kunuwanuwatu? Tawae kaiwena tomo molosi ugite-kalatan yo kunuwanuwatu kaiwena?
5 Tomo molosine kupei-yatalu tupwana kana mwayaga iyai anelose yaulili mena yo yakasisi yo wasawasa kuwolena koina.
6 Yo kupei ginauli meuloina iloinayan.
7 Sipi yo bulumakau meuloili, yakayakan sokasokali,
8 man sievaeva-keikeile yo iye kalita mena yo yamayamayale kalita mena simiyamiya.”
9 O Yeoba, ama Guyau, esam inamwanamwasosi yanuwa yaulina meuloina koina.