3
ⵀⵍⵙ ⴹⵀⵍⵙ ⵎⵛⵗⵍⵏ ⵏⵎⵛⵏⴰ
1 ⵏⴾ ⵎⵔⵏ ⵎⴹⵔⵢⵏⵏ ⵂⵔⵓⴰ ⵗⵔⵓⵏ ⵍ ⵓⵔ ⴹⵓⵏ⵿ⵜⴶⵗ ⵓⵍ ⵓⴰ ⵜⴶⴰ ⵢⵢⵜⴹⵏ ⵓⵏ ⵂⴰ ⵏ⵿ⴼⵙ ⵓⴰ ⵤⴹⴶⵏ⵰ ⴾⵍⵔ ⴶⵗⵓⵏ ⵓⵍ ⵤⵏ ⵓⴰ ⵜⴶⵓ ⵓⴹⵏ ⵢⵢⵜⴹⵏ ⵓⵏ ⵓⵔ ⵏⵍⴾⵎ ⵔ ⵢ ⵜⵔⴰ ⵏⵎⵏⵙⵏ ⵤⵏ ⵛⵓⵍⴰ ⵢⵢⵜⴹⵏ ⵙ ⵙⴾⵜ ⵍⴾⵎⵏ ⵢⵍⵎⵙⵈ⵰
2 ⵤⵏ ⵙ ⵈ ⴾⵓⵏⵛⵛⵓⴰ ⵓⵔ ⴾⵓⵏⵙⵜⵛⴰ ⵎⵏ⵿ⵙⵓⵏ ⵓⵏ ⵆⵔⵏⵏ ⴼⵍⵙ ⵂⵔⵓⴰ ⴹⴰ ⵓⵔ ⴹⵙⵏ⵿ⵜⴼⵔⴶⵎ⵰ ⵓⵍⴰ ⵎⵔⴹⴰ ⴹⴰ ⵓⵔ ⴹⵙⵏ⵿ⵜⴼⵔⴶⵎ
3 ⴹ ⵂⵔⵓⴰ ⴹⴰ ⵓⵔ ⵜⵍⴰ ⴾⵓⵏⵤⵍⵢⵏ ⴹⵢⵜⴹⵏ ⵓⵏ ⵓⵔ ⵏⵍⴾⵎ ⵔ ⵢ ⵜⵔⴰ ⵏⵎⵏⵙⵏ⵰ ⵛⵙⵎⵜⵏ ⵛⵏ ⵜⵜⴶⵎ ⴼⵍ ⵎⴹⵓⵏⵓⵏ ⴹⵜⵎⵤⵆ ⵜⴰ ⵜⵎⵍⵜ ⴶⵔⵓⵏ ⵓⵔⴶⵗ ⵙⵜⴹⵏⵜ ⵙ ⵂⵔⵓⴰ ⴹⴰ ⴾⵍ ⴹⵏⵜ ⵜⵜⵍⵍⵎ ⵜⵍⴾⵎⵎ ⵢ ⵜⵔⵢⵜⵏⵙⵏ⵰
4 ⵙ ⵏⴰ ⵢⵏ ⴹⵗⵓⵏ «ⵏⴾ ⵀⵍⵙ ⵙ ⵍⴾⵎ» ⵏⴰ ⵢⵏ «ⵏⴾ ⵀⵍⵙ ⵙ ⵍⴾⵎ» ⵓⴹⵢ ⵓⵔⴶⵗ ⵍⵈⵍ ⵏⵢⵜⴹⵏ ⵏⴹⵏⵜ ⵜⴰ ⴹⴰ ⵜⴶⵎ⵰
5 ⵀⵍⵙ ⴹⴰ ⵏ⵿ⵜⴰ ⵓⵍⴰ ⵀⵍⵙ ⵓⴾ ⵎⴰ ⵎⵙⵏ⵰ ⵓⵔ ⵏⵎⵙ ⵔ ⵎⵛⵗⵍⵏ ⵏⵎⵛⵏⴰ ⵓⵏ ⵙⵔⵓⵏ ⴹⵓⵢⵏⵏ ⵤⴶⵤⵏ ⵙⵔⵙ ⵏⴾ ⵂⵔⴾⴹ ⵏ⵿ⵜⴰ ⵓⵔ ⵏⴶⴰ ⵔ ⵛⵗⵍ ⵓⴰ ⴹⵏⵗⴾⴼⴰ ⵎⵍⵢ⵰
6 ⵏⴾ ⵓⴰ ⵎⵤⵍⴰ ⵂⴰ ⵛⵛⵍⵏ ⵏⵎⵙⴰ ⵙ ⵏⴾ ⵜⵏⵀⵍⵏ ⵜⵤⵔ ⵛⵛⵓⵢ ⵀⵍⵙ ⵎⵛⵏ ⵎⵛⵏⴰ ⵏ⵿ⵜⴰ ⵜⴹⵙⴹⵓⵍⵏ⵰
7 ⴹⵗ ⴹⵢ ⵓⵔⴶⵗ ⵓⴹⵏ ⵓⴰ ⵏⵀⵍⵏ ⵎⵙⴰ ⵓⵍⴰ ⵓⴰ ⵜⵛⵛⵓⵏ ⵎⵙⵏ ⵔⵜ⵰ ⴾⵍⵔ ⵎⵛⵏⴰ ⵜⴹⵙⴹⵓⵍⵏ ⵜⵎⵙⵏ⵰
8 ⵓⴹⵏ ⵓⴰ ⵏⵀⵍⵏ ⵎⵙⴰ ⴹⵓⴰ ⵜⵛⵛⵓⵏ ⵔⵜ ⵢⵏ⵿ⴹⴰ ⵎⵙⵏ ⴾⵢⵏ ⴹⵗⵙⵏ ⴹ ⵜⴾⴼⵓ ⵎⵛⵏⴰ ⵍⵈⵆ ⵏⵛⵗⵍⵏⵜ⵰
9 ⵏⴾ ⴹⵀⵍⵙ ⵏⴹⵔⵓ ⵛⵗⵍ ⵓⴰ ⴹⵏⵗⴾⴼⴰ ⵎⵛⵏⴰ ⵎⵔⵏ ⴾⵓⵏⵢ ⵎⵙⵏⵏ ⵛⵍⵜ ⵏ⵿ⵜⵓⴶⵙ⵿ⵜⵏⵜ ⵜⵎⵙⵎ ⴹⵗ ⴾⵔⵙⵏⵜ⵰
10 ⵏⴾ ⴶⵗ ⵙⵔⵈⵎⵜ ⵜⴰ ⴹⴾⴼⴰ ⵎⵛⵏⴰ ⵛⵗⵍ ⵤⵏ ⵓⴰ ⵜⴶⵓ ⵎⴾⵔⵙ ⵏⵏ ⵙⵏⵏ ⵛⵗⵍⵏⵜ ⵙⵗⵜⴰ ⵜⵙⴾⵀⵍ⵿ⵜ ⵜⴰ ⵜⵎⵙⵜ ⵛⵗⵔⴹ ⵏ⵿ⵜⵗⵤⵎ⵿ⵜ ⴹⴼⵔ ⴹⵢ ⵙⴹⵓ ⵓⴹⵏ ⵢⵏ ⴼⵍⵙ ⴾⵔⵙ⵰ ⵎⵛⵏ ⴾ ⵓⴹⵏ ⵏ⵿ⴾⴹⵜ ⴹⵎⴾ ⵓⵙ ⵛⵜⵓ ⴾⵔⵙ ⵏ⵿ⵜⵗⵤⵎ⵿ⵜ ⵜⴹⵢ⵰
11 ⵓⵔ ⵜⵍⴰ ⵓⴹⵏ ⴼⵔⴶⵏ ⵙⵗⵜⵢ ⵏⵢⵜ ⵜⵙⴾⵀⵍ⵿ⵜ ⵓⵔ ⵏⵎⵙ ⵜⴰ ⵜⵗⵜⵜ ⴾⵍⴰ ⴹⴰ ⴹ ⵜⵜⵎⵙⵏ ⵗⵢⵙⴰ ⵍⵎⵙⵈ⵰
12 ⵓⵢⴹ ⵢⵜⴹⵏ ⴾⵔⵙⵏ ⴼⵍ ⵜⵙⴾⵀⵍ⵿ⵜ ⵏ⵿ⵜⵗⵤⵎ⵿ⵜ ⵜⴰ ⵙⵔⵗ ⵓⵢⴹ ⵙⵤⵔⴼ ⵓⵢⴹ ⵙ ⵜⵂⵏ ⴾⵏⵏⵏ ⵛⵂⵙⵢ ⵓⵢⴹ ⵙⵛⴾⵏ ⵓⵢⴹ ⵙⵍⵎⵤ ⵓⵢⴹ ⵙⴶⵀⵍ⵰
13 ⴾ ⵓⴹⵏ ⵍⴾⵎ ⴹ ⵜⵓⵏⵢ ⵛⵗⵍⵏⵜ ⴹ ⴹ ⵜⵓⵙⴾⵏⵓ ⵤⵍ ⵓⴰ ⵍⴾⵎⵏ ⵜⵓⵌⵔⵀ ⵙ ⵜⵎ⵿ⵙⵢ ⴼⵍⵙ ⵜⵎ⵿ⵙⵢ ⵜⴰ ⵏ⵿ⵜⴰ ⵤⴰ ⵜⵙⵏⴼⵍⵍⵜ ⵤⵏⴼ ⵏⵛⵗⵍ ⵓⴰ ⴶⴰ ⴾ ⵓⴹⵏ⵰
14 ⴾⴹ ⵜⵎⴾⵔⵙ⵿ⵜ ⵜⴰ ⴼⵍⵙ ⴶⴰ ⵓⴹⵏ ⵓⵔ ⵜⵜⵜⵛⴰ ⵜⵎ⵿ⵙⵢ ⵓⴹⵏ ⵓⴹⵢ ⴹ ⴶⵔⵓ ⵍⵈⵆⵏⵜ⵰
15 ⵎⵛⵏ ⵙ ⵎⵙ ⵙ ⵜⵜⵛⵜ ⵜⵎ⵿ⵙⵢ ⵓⴹⵏ ⵓⴹⵢ ⴹ ⴼⵜⵓ⵰ ⴹⵔ ⴶⴰ ⵓⵏ ⴹⴰ ⵢⴰ ⵏ⵿ⵜⴰ ⵎⵏⵜ ⴹ ⵗⵍⵙ ⵎⵛⵏ ⴹ ⵍⵓ ⵍⵗⵍⵙⵏⵜ ⴹⵏ ⵓⴹⵏ ⴹ ⴹⵜⵔⴾⵀⵏ ⴹⵗ ⵜⵎ⵿ⵙⵢ⵰
16 ⵓⴾ ⵎⵙⵏⵜ ⵓⵔ ⵜⴶⵎⴰ ⵙ ⴾⵓⵏⵢ ⵎⵏⵓⵏ ⵎⵙⵏ ⵂⵏ ⵏⵎⵛⵏⴰ ⵂⴰ ⴹⵗ ⵏ⵿ⴼⵙ ⵓⴰ ⵤⴹⴶⵏ ⵓⵍⵏⵓⵏ⵰
17 ⵎⵔⵏ ⵓⴹⵏ ⴾⵍ ⵓⴰ ⵂⵍⴾⵏ ⵂⵏ ⵏⵎⵛⵏⴰ ⵜⵂⵍⴾ ⵎⵛⵏⴰ⵰ ⴼⵍⵙ ⵂⵏ ⵏⵎⵛⵏⴰ ⵢ ⵤⴹⴶⵏ ⵎⵔⵏ ⴾⵓⵏⵢ ⵜⵎⵙⵏ⵰
18 ⴹ ⵓⵔ ⵙⴹⴼ ⵓⴹⵏ ⵓⵍⵢⵏ ⵎⵏⵜ ⵍⵈⵜⴰ⵰ ⵓⴰ ⴹⵗⵓⵏ ⵗⵍⵏ ⵍⴰ ⵎⵙⵏⵜ ⵜⴰ ⴼⵍ ⵜⴶⵍⴰ ⴹⵏⵜ ⵓⴹⵢ ⴶⵜ ⵎⵏⵜ ⵎⵙⴾⵍ ⴹ ⵜⴾⴼⵓ ⵎⵛⵏⴰ ⵎⵙⵏⵜ ⵜⵏ ⵜⴹⵜ⵰
19 ⴼⵍⵙ ⵎⵙⵏⵜ ⵜⵏ ⴹⵏⵜ ⵜⴰ ⵎⵙⴾⵍ ⵜⵎⵙ ⵗⵔ ⵎⵛⵏⴰ ⴹ ⵏⵏ ⵍⴾⵜⵀⵏ «ⵎⵙⵏⵏ ⵏⴹⵏⵜ ⵜⴰ ⵛⵎⵔⴾⵙ ⵛⵏⵙⵏ ⵙ ⵜⵏⵀⵤ ⵎⵛⵏⴰ⵰»
20 ⵏⵏ ⴹⵗ «ⵙⵏ ⵎⵍⵢ ⵙ ⵎⴹⵔⵏⵏ ⵏⵎⵙⵏⵏ ⵏⴹⵏⵜ ⵜⴰ ⵓⵔ ⵤⵍⵢⵏ ⴹⵀⵏⵏ⵰»
21 ⴹⵗ ⴹⵢ ⴹ ⵓⵔ ⵜⴹⴾⵍⵎ ⵎⵏⵓⵏ ⴼⵍⵙ ⵜⵍⴾⵎⵎ ⵢⵓⴹⵏ ⴼⵍⵙ ⵔⵜ ⴾⵍ ⵏⵓⵏ
22 ⴶⵔ ⵤⴰ ⵏⴾ ⵀⵍⵙ ⵓⵍⴰ ⵀⵍⵙ ⵓⵍⴰ ⵀⵜⵔⵙ ⵓⵍⴰ ⴹⵏⵜ ⵓⵍⴰ ⵜⵎⴹⵔ⵿ⵜ ⴹⵜⵎⵜⵏ⵿ⵜ ⴶⵔ ⵤⴰ ⵔⵜⵏ ⵓⵏ ⵎⵔⴹⴰ ⵓⵍⴰ ⵓⵏ ⵍⴾⵎⵏⵏ ⵓⴰ ⴾⵜⵏⵜ ⵏⵓⵏ⵰
23 ⴾⵓⵏⵢ ⵎⵏⵓⵏ ⵍⵎⵙⵈ ⴾⵓⵏⵍⵏ⵰ ⵍⵎⵙⵈ ⵎⵔⵏ ⵎⵛⵏⴰ ⵜⵍⵏ⵰