4
ⵎⵔⵏ
ⵜⵎⴹⵔ⵿ⵜ ⵜⵗⴹⵜ
1 ⵎⴹⵔⵢⵏⵏⴰ ⵏⵙⵙⵏ⵿ⴾⵓⵏ ⵎⴾ ⵓⵙ ⵤⴰ ⵜⴶⵎ ⵜⵎⴹⵔ⵿ⵜ ⵜⴰ ⴹⵗ ⵤⴰ ⵜⴶⵔⵤⵎ ⵢ ⵎⵛⵏⴰ ⵎⵔⵏ ⵂⵔⵓⴰ ⵎⵔⴹⴰ ⴹⴰ ⵓⵏ ⴹⵗ ⵙ ⵜⵍⴾⵎⵎ⵰ ⵎⵔⴹⴰ ⵏⴶⵎⵢ ⴹⵗⵓⵏ ⵙ ⴶⵍⵢⵜ ⵙⵙⵎ ⵏⵎⵍⵢ ⵗⵢⵙⴰ ⴹ ⵜⵛⵜⵎ ⴹⵗ ⵏⵎⴹ ⵓⵏ⵰
2 ⵏⵤⴹⴶⵤⴾⵓⵏ ⴹⵗ ⵓⵏ ⴼⵍⵙ ⵜⵙⵏⵎ ⵓⵙ ⴾⵓⵏⵎⵔ ⵙⵏ⵿ⵜⴰ ⴹⵏⵗⵙⵓⵔ ⵎⵍⵢ ⵗⵢⵙⴰ⵰
3 ⵔⵜ ⵓⴰ ⵔⴰ ⵎⵛⵏⴰ ⴹ ⵜⵆⵍⵎ ⵎⵤⴹⴶⵏ ⴶⵤⵏⵏ ⵎⵏⵙⵏ ⴹⵗ ⴶⵢ ⵏⵤⵏⴰ⵰
4 ⴾⵍⴾ ⵏⵢⵏ ⴹⵗⵓⵏ ⵜⴼⵜ ⵜⵏⵜ ⴹⵗ ⵜⵗⵙⵏⵜ ⵙ ⵜⵤⴹⴾ ⵏⵓⵍ ⴹⵤⵀⵏ⵰
5 ⵜⵆⵎⵎ ⴹⴰ ⵓⵔ ⵜⵍⴾⵎⵎ ⵢⵔⴾ ⴹⵔⵏⵏ ⵏ⵿ⵜⵔⴰ ⵏⵎⵏ ⵤⵏ ⵓⴰ ⵜⴶⵏ ⵏⵎⵤⵔⵢ ⵓⵔ ⵏⵙⵏ ⵎⵛⵏⴰ⵰
6 ⴾⵓⵏⵓⵔⴶⵤ ⵢ ⴶⵏ ⵀⴰ ⵏ⵿ⵜⴹⵜ ⵢⵎⴹⵏⵜ ⴹⵗ ⵀⵜⵓ ⵜⴹⵢ ⵓⵍⴰ ⴹⵍⵎ⵿ⵜⵓ⵰ ⴼⵍⵙ ⵎⵍⵢ ⴹ ⵓⴹⵀ ⵓⴹⵏ ⴾⵍ ⵓⴰ ⴶⵏ ⵔⴾ ⵎⵤⵍⵏ ⵤⵏ ⵓⵏ ⴹⵢ⵰ ⵔⵜ ⵓⴰ ⴹⵜ ⵤⵍ ⴹⴰ ⵏⴶⵓⵏ⵿ⵜⵓ ⴹⵓ ⵗⴼ⵰
7 ⵏ⵿ⵜⴰ ⵎⵛⵏⴰ ⵓⵔ ⴹⵏⵗⵔⴰ ⵎⴹⵙ ⴾⵍⵔ ⵜⵤⴹⴾ ⴹⵏⵗⵔⴰ⵰
8 ⵓⵏ ⴹⴰ ⴼⵍⵙ ⵓⴹⵏ ⵓⴰ ⴹⵏⴶⵔⵏ ⵎⵔⵏ ⵓⵏ ⵓⴹⵢ ⵓⵔⴶⵗ ⵓⴹⵏ ⵏ⵿ⴾⵔ ⴾⵍⵔ ⵓⴹⵏ ⵓⴹⵢ ⵎⵛⵏⴰ ⵏ⵿ⴾⵔ ⵙⵏ⵿ⵜⴰ ⴾⵓⵏⴾⴼⵏ ⵏ⵿ⴼⵙⵏⵜ ⵤⴹⴶⵏ⵰
9 ⴹⵗ ⵜⵍⵗⴰ ⵏ⵿ⵜⵔⴰ ⵜⴰ ⴶⵔ ⵎⴹⵔⵢⵏ ⵓⵔ ⵜⴹⵔⵔⵎ ⵢ ⴹⵓⵏⵏⴾⵜⵀⵏ ⵛⵔⵓⵜ ⴼⵍⵙ ⵎⵛⵏⴰ ⴾⵓⵏⵙⵙⵏⵏ ⴾⵓⵏⵢ ⵎⵏⵓⵏ ⵏⵎⵔⴰ ⴶⵔⵓⵏ⵰
10 ⴼⴹⴰ ⵏⵎⵔⴰ ⵓⴰ ⵏ⵿ⵜⴰ ⵎⵏⵜ ⵜⵙⵏⴼⵍⵍⵎ ⵢ ⵎⴹⵔⵢⵏⵏⴰ ⴾⵍ ⵓⵏ ⴾⵍ ⵏⵎⵙⴹⵏⵢⴰ⵰ ⵎⵛⵏ ⵏⴶⵎⵢ ⴹⵗⵓⵏ ⵙ ⴶⵍⵢⵜ ⵢⴰ ⵎⴹⵔⵢⵏⵏⴰ ⴹ ⵜⵛⵜⵎ ⴹⵗ ⵙⴾⵏⵢ ⵏ⵿ⵜⵔⴰ ⵜⴰ⵰
11 ⵆⵍⵜ ⵢⵜⴹⵏ ⵓⵔ ⵏⴹⴶⵤ ⵔ ⴹⵗ ⴶⵢ ⵏ⵿ⵜⵎⴹⵔ⵿ⵜ ⵜⴶⵜ ⴹⵗ ⵍⵈⵔ ⵜⵏⵜⴼⵎ ⴹⵛⵗⵍⵏⵓⵏ ⴹ ⵜⴶⵎⵢⵎ ⵜⵎⴹⵔ⵿ⵜ ⴹⵗ ⵜⵗⵔⴹⵏⵓⵏ⵰ ⴹⵢ ⴹⴰ ⵙ ⴾⵓⵏⵎⵔ⵰
12 ⵎⴾ ⴹⵢ ⴹⵗ ⵙ ⵙⵔⵓⵏ ⴹⵤⵓⵢ ⵍⵈⵍⵏⵓⵏ ⵜⵓⵙⵗⵎⵔ ⴹⵗ ⵢⵜⴹⵏ ⵓⵏ ⵓⵔ ⵏⵎⵙ ⵍⵎⵙⵈⵜⵏ ⵜⵆⵍⵎ ⵢⵜⴹⵏ ⵓⵔ ⵏⵎⵙ ⵤⴾ ⵢⵓⴹⵏ ⵓⵍⵢⵏ⵰
ⵙⵍⵏ ⵏ⵿ⵜⵏⴾⵔⴰ ⵏⵎⵜⵏ
13 ⵎⴹⵔⵢⵏⵏⴰ ⵏⵙⴹⵔⵏ ⴹ ⵜⵙⵏⵎ ⵓⴰ ⵎⵙⵏ ⵜⴹⵜ ⴹⵗ ⵜⵍⵗⴰ ⵏⵢⵜⴹⵏ ⵓⵏ ⵀⴰ ⴼⵍ ⴹ ⵓⵔ ⵜⵆⵍⵎ ⵢⵜⴹⵏ ⵙ ⵗⵛⴹⵏ ⵎⵏⵙⵏ ⵤⵏ ⵓⴰ ⴶⵔⵓⵏ ⵢⵜⴹⵏ ⵓⵏ ⵂⴹⵜⵏⵏ ⵓⵔ ⵏⴶⴰ ⵜⵎⵏⵙⵏ ⴹⵗ ⵓⵍⴰ⵰
14 ⴹⴹ ⵤⵎⵙ ⵏⵤⴶⵤⵏ ⵙ ⵗⵢⵙⴰ ⵀⵜⵓ ⵏ⵿ⴾⵔⴹⵓ ⴹⵗ ⵜⵎⵜⵏ⵿ⵜ ⵓⴹⵢ ⴹ ⵏⵤⴶⵤⵏ ⵙ ⵎⵛⵏⴰ ⴹⵙⵗⵍ ⵙ ⵜⵔⵢⵜ ⵏ⵿ⵗⵢⵙⴰ ⵢⵜⴹⵏ ⵓⵏ ⵀⴰ ⵆⵍⵏ⵿ⴹⵓ ⴹⵓⵏ ⴹⵗⵢⵙⴰ⵰
15 ⵔⵜ ⴹⴰ ⵓⴰ ⴹⵓⵏ⵿ⵤⵏⵎⵍ ⴹⵗ ⵓⴰ ⴹⵏⵗⵙⵏⴼⵍⵍ ⵎⵍⵢ ⵏⴾⵏⵢ ⵓⵏ ⴹⵤⵜⴶⵤ ⵜⵓⵗⵍⵢ ⵏⵎⵍⵢ ⵏⴹⵔ ⵓⵔ ⵤⴰ ⵏⴶⵓ ⵓⵍⴰ ⵔⵜ ⵏ⵿ⵜⵤⵔ⵿ⵜ ⵢ ⵓⵏ ⵀⴰ⵰
16 ⴼⵍⵙ ⵎⵍⵢ ⵎⵏⵜ ⵙ ⴹⵤⵤⵀⵜ ⴹⵗ ⵌⵏⵓⵏ ⵗⵔ ⴾⵔⵢ ⵎⵙⵏ ⵎⵙⵍⵢ ⵏⵏ⵿ⴶⵍⵙ ⵓⴰ ⵤⵓⵔⵏ ⴹⵏⵙⵗ ⵏⵙⴾ ⵏⵎⵛⵏⴰ⵰ ⵙ ⴶⴰ ⴹⵢ ⵢⵜⴹⵏ ⴾⵍ ⵓⵏ ⵀⴰ ⵤⴶⵤⵏⵏ ⵙⵍⵎⵙⵈ ⵏ⵿ⵜⵏⵢ ⴹⵤⵤⵔⵏⵏ ⵜⵏⴾⵔⴰ⵰
17 ⴹⴼⵔ ⴹⵢ ⵏⴾⵏⵢ ⵓⵏ ⴹⴶⵤ ⵍⵓⵆ ⵓⵏ ⵏⴹⵔ ⴹⵔⵙⵏ ⵏⴹⵓ ⵏⵎⴹⴾⵍ ⴹⵗ ⵜⴶⵏⵓⵏ ⵏⵙⵍⴾⴹ ⵢⵎⵍⵢ ⴹⵗ ⵍⵂⵓⴰ ⵏⵎⵍ ⵗⵔⵙ ⵂⵔ ⴼⵓ⵰
18 ⴹⵗ ⴹⵢ ⵆⵍⵏⵜ ⵙⵍⵏ ⵓⵏ ⵔⵜ ⴹⵜⵜⵏⵎⵙⴾⵜⵎ ⴶⵔⵓⵏ ⵎⵙⵓⵏ ⵔⵙ ⵏ⵿ⵜⴼⵍⵓⵙ⵿ⵜ⵰