3
ⴹⴼ ⵏ⵿ⵜⵏⵜ ⴹⵗ ⵍⵙ
1 ⵢⴰ ⵎⴹⵔⵢⵏⵏ ⴹⵗⵓⵏ ⵓⵔ ⴶⵜⵏ ⵍⴼⵆⵜⵏ ⴼⵍⵙ ⵜⵙⵏⵎ ⵙ ⵏⴾⵏⵢ ⵓⵏ ⵍⴼⵆⵜⵏ ⴹⵏⵗⵜⵓⴶⵓ ⵛⵔⵗⴰ ⵍⵀⵙⵏ ⴶⵔⵏ ⵓⴰ ⵤⵜⵓⴶⵏ ⵢⵢⵜⴹⵏ ⵓⵏ ⵂⴹⵜⵏⵏ⵰
2 ⴼⵍⵙ ⴾⵜⵏⵏⴰ ⵏⵜⵏⴶⵔ⵿ⵜⵜⴼ ⴹⵗ ⵜⵔⵢⵏ ⴶⵜⵏⵏ⵰ ⵎⵔⵏ ⴾⴹ ⵍⵢ ⵓⴹⵏ ⵙ ⵓⵔ ⴾⵍⴰ ⵏⴶⵔ⵿ⵜⵜⴼ ⵙⴹⵜⴶⵎⴹ ⵔⴾ ⵀⵜⵓ ⵎⵏⵜ ⵓⴹⵏ ⵓⴹⵢ ⴾⵎⵍ ⴼⵔⴶ ⴹⴼ ⵏ⵿ⵜⵏⵜ ⴹⵗ ⵜⵗⵙⵏⵜ ⴾⵜⵏⵜ⵰
3 ⵏⵜⴶⵓ ⵗⵀⴰ ⴹⵗ ⵢⵙ ⴼⵍ ⴹⵗⵙ ⵏⵜⴼ ⵜⵏⵜ ⵏⵙⴾⵢ ⴹⴶ ⵓⵙ ⵏⵔⴰ⵰
4 ⵏⵢⵜ ⴹⵗ ⵗⵍⵍ ⵏⵎⵏ ⵓⵍⴰ ⴹ ⴾⵏⴰ ⵜⵤⵓⵔ⵿ⵜ ⵀⵜⵓ ⴹⵓ ⴾⵏⵏ ⵙⵂⵜ ⴹⴰ ⵛⴾ ⴾⵏⵏ ⵜⵎⴹⵔⵢⵜ ⵙ ⵜⵜⴾⵔⵜ ⵓⴹⵏ ⵓⴰ ⵜⵓⵢⵏ ⴼⵍ ⵎⵏ ⵙⴹⴾⵓ ⵙⵙ ⵔⴰ⵰
5 ⴹⵢ ⴹⴰ ⴶⴰ ⵍⵙ ⵏⴶⴹⵎ⵰ ⵜⵙⵍⵜ ⵏ⵿ⴹⵔⵜ ⵎⵙ ⴹⵗ ⵜⵗⵙⴰ ⵎⵛⵏ ⵔⵜⵏ ⵤⵓⵔⵏⵏ ⵙ ⴼⵔⴶ ⴶⵢ ⵏⵀⵔⴶⵏⵙⵏ⵰ ⵤⵏ⵿ⴹ ⵙ ⵔⵜ ⵏ⵿ⵜⵎⵏ⵿ⵜⵙ⵿ⵜ ⵜⴼⵔⴶ ⵙⵀⵍⴶⵍⴶ ⵏⴶⵔⵙ ⴾⵏⵏ ⵜⵤⵓⵔ⵿ⵜ⵰
6 ⵍⵙ ⵏ⵿ⵜⴰ ⴹⴰ ⵜⵎ⵿ⵙⵢ ⵎⵙ⵰ ⵓⵔ ⵜⵍⴰ ⵤⵏⴼ ⵏ⵿ⵜⵍⵀⵙ⵿ⵜ ⵜⵓⵔⵏⵂⴰ ⵙⵎⴹⵙ ⵛⵙⵍⴹⵏⵏⴰ ⴾⵍ ⵙⵔⵗⴰ ⴼⵍⵏⴰ ⵜⵎ⵿ⵙⵢ ⴹⵗ ⴹⵏⵜ ⵓⵏ ⵜⵂⵓⵜⵏⵏⴰ ⵂⵔ ⵀⵏⵏⴰ ⵎⵔⵏ ⵏ⵿ⵜⴰ ⵎⵏⵜ ⵜⵎ⵿ⵙⵢ ⵜⵏ ⵌⵂⵏⵎⴰ ⵜⵜⵙⵀⵍⴶⵍⴶⵜ⵰
7 ⵓⵔ ⵜⵍⴰ ⵤⵏⴼ ⵏ⵿ⵜⵓⵆⵙ⵿ⵜ ⵓⵍⴰ ⴶⴹⴹ ⵓⵍⴰ ⵎⴹⵔ ⵎⵔⵔⴹⵏ ⴼⵍ ⵎⴹⵍ ⵓⵍⴰ ⵢⵏ ⵏⵎⵏ ⵙ ⵓⵔ ⴼⵔⴶ ⴶⴹⵎ ⵛⵏⵏⵜ ⵎⵔⵏ ⵛⵏⵏ⵿ⵜⵏ ⴹⵗ⵰
8 ⴶⵙ ⵍⵙ ⵏ⵿ⵜⴰ ⵓⵔ ⵜⵍⴰ ⵓⴹⵏ ⴼⵔⴶⵏ ⵛⵏⵏⵜ⵰ ⵜⵍⵀⵙ⵿ⵜ ⵎⵙ ⴹⵏⵓⵔⴾⴰ ⵓⴹⵏ ⴹⵔⵜ ⵎⵔⵏ ⴹⴾⵔ ⵙⵎ ⵏⵆⵏ⵰
9 ⵏ⵿ⵜⴰ ⵙ ⵏⵜⴶ ⵜⵎⵍⵏ ⵢⵎⵍⵢ ⴹⵢ ⵏⵀⵏⵏⴰ ⵏ⵿ⵜⴰ ⴹⵗ ⵙ ⵏⵀⵢⴾ ⵢⵜⴹⵏ ⵙ ⵎⵛⵏⴰ ⵜⵏ⵿ⴹⵈⵍⴾⵏ ⵙ ⵛⵛⵍⵏⵜ⵰
10 ⵎⵢ ⵢⵏ⵿ⴹⴰ ⴹⴶⵎⴹⵏⵜ ⵜⵎⵍⵏ ⴶⵎⴹⵜⴹ ⴹⵗ ⵀⵢⴾ⵰ ⵢⴰ ⵎⴹⵔⵢⵏⵏ ⵔⵜ ⵓⴹⵢ ⵓⵔ ⵎⴾⵏ ⴹ ⵜⴶⵓ⵰
11 ⵓⴾ ⵛⵜ ⵏⵎⵏ ⵢⴹⴰ ⵜⴼⵢⵏ⵿ⴹⵓ ⴹⵗⵙ ⵎⵏ ⵤⴹⵏⵏ ⴹⵓⵏ ⵙⵎⵎⵏⵏ⵰
12 ⵢⴰ ⵎⴹⵔⵢⵏⵏ ⵓⴾ ⵛⴾ ⵏ⵿ⴼⴶ ⵜⵔⵓ ⵤⵢⵜⵏ ⵓⵍⴰ ⴹⵗ ⵜⵔⵓ ⵙⵀ ⵏⵍⵗⵏⵀ ⴼⴶ⵰ ⵛⵜ ⵏⵎⵏ ⵤⴰ ⴶⵏⵏ ⵜⵎ⵿ⵀⵢ ⵏⵙⵍⵗ ⵏ⵿ⵜⴰ ⴹⴰ ⵓⵔ ⵜⵜⴹⴶⵎⴹⵏ ⵎⵏ ⵤⴹⵏⵏ⵰
ⵎⵙⵏⵜ ⵜⵏ ⵜⴹⵜ
13 ⵎⵏⵜⵓ ⴹⵗⵓⵏ ⵓⴰ ⵎⵙⵏ ⵎⵙⵏ ⵍⴰ ⴹⵗ ⴶⵔⵢ⵰ ⵓⴹⵏ ⵓⴹⵢ ⵙⴾⵏⵜ ⴹⵢ ⵙⵍⵈⵍ ⵍⵗⵏ ⴹⵎⵤⵍⵏ ⴶⵏⵏ ⵙ ⵜⵍⵎⵜ ⵏⵎⵏ ⴹⵎⵙⵏⵜ⵰
14 ⵎⵛⵏ ⴾⴹ ⴾⵓⵏⵢ ⵓⵍⵏⵓⵏ ⵎⵏ⵿ⵌⵗ ⵍⵀⵙⵏ ⵜⵏⵂⵏ ⵓⵔ ⵜⴶⵎⵢⵎ ⵔ ⵜⵏ⵿ⴼⴰ ⵏⵎⵏⵓⵏ ⵓⴹⵢ ⵓⵔ ⵜⵂⵔⵎ ⴹⴶⵢ ⵏⵀⵔⴶⵏ ⴼⵍ ⵎⵙⵏⵜⵏⵓⵏ⵰ ⵔⵜ ⵓⴹⵢ ⵙⵀⵂⵓ ⵎⵙ ⵏ⵿ⵜⴹⵜ ⵏⵎⵛⵏⴰ⵰
15 ⵎⵙⵏⵜ ⵜⴹⵢ ⵓⵔ ⴹⵜⴼⵍ ⵎⵛⵏⴰ ⴾⵍⵔ ⵛⵏ ⴹⵏⵜ ⵜⴰ ⴹⴰ⵰ ⵛⵏ ⵓⴹⵏ ⵍⴾⵎⵏ ⵢ ⵜⵔⴰ ⵏⵎⵏⵜ ⴹⵀⵍⵙ⵰
16 ⴼⵍⵙ ⴹ ⵜⵎⵍ ⵎⵏ⵿ⵌⵗ ⴹⴶⵎⵢ ⵏⵓⴰ ⵏ⵿ⴼⵏ ⵎⵏ ⵗⵙ ⵜⵎⵍ ⵀⴰ ⵏⵏⵎⵏⴾ ⵍⵀⵙⵏ ⴹⵤⵏⴼⵏ ⴾⵍ ⵏⵔⴾ ⵎⵤⵍⵏ⵰
17 ⵎⵛⵏ ⵎⵙⵏⵜ ⵜⴰ ⴹⵜⴼⵍⵜ ⵎⵛⵏⴰ ⵔⵜ ⵓⴰ ⵤⵔⵏ ⵜⴶⴰ ⵙ ⵛⵢ ⵤⴹⴶⵜ⵰ ⵓⴹⵏ ⵓⴰ ⵜⵜⴶⵔⵓⵏ ⵔⴰ ⵍⵈⵔ ⵍⵎⴹ ⴶⵔⵓ ⵜⴾⵏⵢ ⵜⵂⵏⵏ⵿ⵜ ⴶⵤ ⵜⴶⵓ ⴹⵗ ⵎⵤⵍⵏ ⵍⵗⵏⵏ⵰ ⵓⵔ ⵜⴶⵓ ⵜⵎⵔⵜ ⵤⴰ ⵓⵔ ⵜⵜⵂⴰ ⵜⵍⵎⵏⴼⵆⴰ⵰
18 ⵎⵔⵏ ⵢⵜⴹⵏ ⵓⵏ ⵎⴶⵏ ⵏⵍⵈⵔ ⵎⵙⴰ ⵎⵙⵏ ⵍⵈⵔ ⵏⵀⵍⵏ ⵜⵤⵔ ⵍⵢⵏ⵿ⴹⵓ ⵜⵏ⵿ⴼⴰ ⵜⵎⵙⵜ ⵆⴹ ⴹⵜ ⵎⵛⵏⴰ⵰