3
ⵎⵤⵔⵏ ⵏⵍⴾⵏⵙⵜ
1 ⵍⴾⵏ ⵙ ⵓⴹⵏ ⵓⵙ ⵎⵙ ⵎⴹⵎⴹⵏⵜ ⵜⵛⵜ ⵏⵎⵤⵔ ⵏⵍⴾⵎⵏ ⵏ⵿ⵗⵢⵙⴰ ⵛⵗⵍ ⵂⵙⵢⵏ ⵔⴰ ⴹⵢ⵰
2 ⵎⵤⵔ ⵏⵍⴾⵏⵙⵜ ⵓⵔ⵿ⵜⵓ ⵜⵓⵔⵍⴰ ⵢ ⴼⵔⴶⵏ ⴹⵗⵙ ⴹⵏⵢ ⵔⴾ ⵔⵜ ⵤⵍⴼ ⵜⵏ⵿ⵜⵜ ⵢⴹⴰ ⵗⴹⵍ ⵢ ⵜⵏ⵿ⵜⵜⵏⵜ ⵎⵙ ⵓⴹⵏ ⵙⵎⴹⵏ ⵏⴹⴰ ⴹⵗ ⵓⵍⵏⵜ ⵍⴰ ⵤⵀⵏ ⵂⵢ ⵎⴶⵔⵓ ⴼⵔⴶ ⵓⵍⵏ ⵙⵙⵗⵔⵢ⵰
3 ⵓⵔ ⵜⵜⵆⵍ ⵎⵛⵓⵢ ⵏⵙⵎⴹ ⵓⵍⴰ ⵓⴹⵏ ⵏⵎⴾⵏⵙ⵰ ⴾⵍⵔ ⵎⵤⵔ ⵏⵍⴾⵏⵙⵜ ⵓⵔ⵿ⵜⵓ ⴹ ⵎⵙ ⵓⴹⵏ ⵍⵏ ⵍⴹⵀ ⵓⵔ ⵎⵙ ⵏⴹⵍⵎ ⵓⵔ ⵓⵍⵜ ⵤⵔⴼ⵰
4 ⵓⵔ⵿ⵜⵓ ⴹ ⵜⴼ ⵙⵍⵗ ⵜⵏⵜ ⵏⵗⵢⵓⵏⵜ ⵀⵔⴹⴶⵏ ⵀⵔⵔⵏⵜ ⴶⴰ ⵓⵏ ⵙⵤⵀⵏ⵰
5 ⵓⴾ ⵓⴹⵏ ⵓⴰ ⵓⵔ ⵏⴼⵔⴶ ⵏⵜⴼ ⵏⵓⵍⴰ ⵗⵢⵓⵏⵜ ⵎⵏⵎⴾ ⵙ ⵤⵙⵏ ⴹⵗ ⵏⵍⴾⵎⵏ ⵏ⵿ⵗⵢⵙⴰ⵰
6 ⴹ ⵓⵔ ⵆⵍ ⵓⴹⵏ ⵙ ⵙⴾⵜ ⵍⴾⵎ ⵢ ⵗⵢⵙⴰ ⴼⵍ ⴹ ⵓⵔ ⴹⴾⵍ ⵎⵏⵜ ⴹⵏⴶ ⵢⵜⴹⵏ ⵜⵤⵔ ⴹⵓ ⴹⵗ ⵜⴹⵍⵎ⵿ⵜ ⵜⴰ ⴹⵗ ⴶⴹⵍⴰ ⵀⵍⵙ ⵎⵏⵜ⵰
7 ⵓⵔ⵿ⵜⵓ ⴹ ⵎⵙ ⵓⴹⵏ ⴼⵍⵙⵏ ⵢⵜⴹⵏ ⵓⵏ ⵓⵔ ⵏⵎⵙ ⵍⵎⵙⵈⵜⵏ ⴼⵍ ⵜⵓⵔⵎⵍ ⵢ ⴼⵔⴶⵏ ⴹⵗⵙ ⴹⵏⵢ ⵔⴾ ⵔⵜ ⴼⵜⵆⵜ ⴹⵗ ⵜⴼ⵿ⵜⵓ ⵏⵀⵍⵙ⵰
ⵎⴹⵂⵍⵏ ⵏⵍⴾⵏⵙⵜ
8 ⵎⴹⵂⵍⵏ ⵏⵍⴾⵏⵙⵜ ⵏ⵿ⵜⵏⵢ ⴹⴰ ⵓⵔ⵿ⵜⵏ ⴹ ⵜⴼⵏ ⵤⵀⵏⵙⵏ ⵜⵙⴼⵍⵙ ⴹⵗ ⵀⵜⵏⵙⵏ⵰ ⴹ ⵓⵔ ⵆⵍ ⵍⵈⵍⵏⵙⵏ ⵜⵙⵢ ⵏⵙⵎⴹ ⵓⵍⴰ ⵜⵜⵏ ⵍⵈⵔⵎ⵰
9 ⵓⵔ⵿ⵜⵏ ⴹ ⵤⵤⵓⵏ ⴹⵗ ⵜⴹⵜ ⵜⴰ ⵜⵏⴼⵍⵍⵜ ⵜⵂⵜ ⵤⴶⵤⵏ ⵙⵍⵎⵙⵈ ⵍⵏ ⵏⵢⵜⵏ ⵤⴹⴶⵏⵏ⵰
10 ⵜⵓⵌⵔⵀⵏⵜ ⵜⵤⵔ ⴹⴼⵔ ⴹⵢ ⴾⴹ ⵓⵔ ⵜⵍⴰ ⵢ ⴼⵔⴶⵏ ⴹⵗⵙ ⴹⵏⵢ ⵔⴾ ⵔⵜ ⵙⵏ⵿ⵜⵏ ⵛⵗⵍ ⵓⵏ ⵜⵛⵜ ⵏⵎⴹⵂⵍⵏ⵰
11 ⵎⴾⵏ ⴹⵗ ⵙ ⵛⵎⴹⵂⵍⵏ ⵏⵍⴾⵏⵙⵜ ⴹⴰ ⵓⵔ⵿ⵜⵏⵜ ⴹ ⵍⵏⵜ ⵤⵀⵏ ⵓⵔ ⵜⵤⵎⵏⵜ ⵙⵎⴹⵏⵜ ⵗⴹⵍⵏⵜ ⴹⵗ ⴾⵍⴾ ⵏⵔⵜ⵰
12 ⵎⴹⵂⵍ ⵏⵍⴾⵏⵙⵜ ⵓⵔ⵿ⵜⵓ ⴹ ⵗⴹⵍ ⵢ ⵜⵏ⵿ⵜⵜⵏⵜ ⴶⴰ ⵏⵜⴼ ⵍⵗⵏ ⵢ ⵀⵔⵔⵏⵜ ⴹⵗⵢⵓⵏⵜ⵰
13 ⵎⴹⵂⵍⵏ ⵏⵍⴾⵏⵙⵜ ⵓⵏ ⵜⴶⵏⵏ ⵛⵗⵍⵏⵙⵏ ⵙⵍⵗ ⴶⵔⵓⵏ ⵍⵎⵆⵎ ⴹⴾⵙ ⵏⵛⴾ ⴾⵎⵍⵏ ⴹⵗ ⵤⴶⵤⵏ ⵙⵍⵎⵙⵈ ⵗⵢⵙⴰ⵰
ⵙⵔⵏ ⵏ⵿ⵜⵔⵢⵜ ⵜⵏ ⵎⵍⵢ
14 ⵜⵎⴰ ⵓⴰ ⴶⵗ ⵏ⵿ⴾⵢⵏⵢⴰ ⵜⵔⵎⴹ ⵓⵔ ⴹⴶⴹⵍ ⴹⴾⵏⴾⵜⵀⴰ ⵙⵍⵏ ⵓⵏ ⴹⵢ
15 ⴼⵍ ⴹ ⵆⵍ ⵙ ⴾⴹ ⴼⵍⴾ ⵏⵍⵍⵗ ⴹⴰ ⴹ ⵜⵙⵏⵗ ⵍⵈⵍ ⵓⵙ ⵎⴾⵏ ⴹ ⵜⴶⵏ ⵢⵜⴹⵏ ⴹⵗ ⵂⵏ ⵏⵎⵛⵏⴰ ⴹⵢ ⵏⵎⵗⵍⵍ ⵜⵎⵙⵏ ⵍⴾⵏⵙⵜ⵰ ⵍⴾⵏⵙⵜ ⵜⴰ ⵏ⵿ⵜⴰ ⵜⵎⵙⵜ ⵜⴶⵜⵓⵜ ⵜⵏ ⵜⵙⴾⵀⵍ⵿ⵜ ⵏ⵿ⵜⴹⵜ⵰
16 ⴶⵎⴹ ⵛⴾ ⵙ ⵙⵔ ⵓⴰ ⴹⵏⵗⵙⵏⴼⵍⵍ ⵎⵛⵏⴰ ⵜⵎⵙⵏ ⵍⵎⵙⵈ ⵢ ⵤⵓⵔⵏ
ⵏⴼⵍⵍ ⵎⵙ ⵓⴹⵏ⵰
ⴶⵢⵜ ⵏ⵿ⴼⵙ ⵏⵎⵛⵏⴰ ⵙ ⵗⴹ⵰
ⵏⵢⵏ⵿ⵜⵓ ⵏ⵿ⴶⵍⵙⵏ⵰
ⵜⵓⴶⵏ ⵙⵍⵏⵜ
ⵢ ⵢⵜⴹⵏ ⵓⵏ ⵓⵔ ⵏⵎⵙ ⴾⵍⵍⵢⵂⴹ⵰
ⵤⴶⵤⵏⵏ ⵙⵔⵙ ⵢⵜⴹⵏ ⴹⵗ ⴹⵏⵜ ⴾⵜⵏⵜ⵰
ⵎⴹⴾⵍ ⵙ ⵌⵏⵓⵏ ⵙ ⵜⵏⵢⴰ⵰