4
ⵎⵍ ⵏ⵿ⵙⵍⵏ ⵓⵏ ⵜⴹⵜ
1 ⵏ⵿ⵙⵢⵆⵢ ⴼⵍ ⴹⵎ ⵏⵎⵛⵏⴰ ⴹⵍⵎⵙⵈ ⵗⵢⵙⴰ ⵙⵏ⵿ⵜⴰ ⵤⵛⵔⵗⵏ ⵓⵏ ⴹⵔⵏⵏ ⴹⵓⵏ ⵀⴰ ⴹⴹⵎ ⵏⵏⴼⵍⵍ ⵏⵍⵎⵙⵈ ⴹⵜⵗⵎⵔⵏⵜ ⵙ
2 ⴹⴶⵤ ⴹⵗ ⵎⵍ ⵏⵓⵍ ⵏⵎⵛⵏⴰ ⵙ ⵜⵎⵓⵜ ⴹⵗ ⴹⵓⵔ⵿ⵜⵜⵆⵍⴰ ⴹⴼⵔⴾ ⴶⵔ ⵤⴰ ⵜⴶⵔⵓⵗ ⴹⴶ ⵏⴶⵢ ⵏⵓⵏ ⵓⵍⴰ⵰ ⵆⵍ ⵓⴹⵏ ⴹⵙⵔⴹⵏ ⵢⵜⴹⵏ ⵙ ⵓⵔ ⵍⵏ ⵜⴹⵜ ⴹ ⵜⵔⵆⵎⴰ ⵢⵢⵜⴹⵏ ⵜⵜⵎⵔⵆⵏ ⴶⴰ ⵓⵏ ⵙ ⵜⵤⵢⴹⵔ⵿ⵜ ⵜⴾⵎⵍⵜ ⴹⵙⵙⵗⵔⵢ ⴾⵏⵏ⵰
3 ⴼⵍⵙ ⵍⴾⵎⵏ ⵤⵎⵏ ⴹⵗ ⵓⵔ ⵤⵆⵀⵍⵏ ⵢⵜⴹⵏ ⵙⵙⵗⵔⵢ ⵓⵏ ⵜⴹⵜ ⵜⵤⵔ ⵍⴾⵎⵏ ⵢⵔⴾ ⴹⵔⵏⵏ ⴹ ⵛⴹⵓⵏ ⴼⵍ ⵎⵏⵙⵏ ⵎⵙⵙⵗⵔⴰ ⴹⵙⵏ⵿ⴶⵏⵏⵏ ⵔⵜⵏ ⴾⵍ ⵓⵏ ⵙ ⵙⴹⵔⵏⵏ ⵜⵙⵍⵢ ⵢⵙⵏ⵰
4 ⴹ ⴹⵀⵗⵏ ⵛⵎⵤⴶⵏⵙⵏ ⵢ ⵜⴹⵜ ⵙⴼⵏ ⵙⵙⵎ ⵢ ⵎⵢⵏ⵰
5 ⴾⵢ ⵎⵔⵏ ⵆⵍ ⵓⴹⵏ ⵍⵏ ⵤⵀⵏ ⴹⵗ ⴾⵍⴾ ⵏⵔⵜ ⵜⵤⵎⵔⴰ ⵢⵍⵗⵤⵀ ⵆⵍ ⵛⵗⵍⵏⴾ ⵎⵍ ⵏⵍⵏ⵿ⵌⵍ ⵢⵢⵜⴹⵏ⵰
6 ⵏⴾ ⵎⵔⵏ ⵍⵓⵆ ⵏ⵿ⵜⴾⵍⵢⵏⵏ ⵂⵤⴹⵓ ⵍⵓⵆ ⵓⴹⵓ ⵓⴰ ⴹⵗ ⵤⴾⴼⴰ ⵜⵎⴹⵔ⵿ⵜⵏ ⵜⵎⵙ ⵜⴾⵜⵢ⵰
7 ⴶⵤⴰ ⵙⵍⵗ ⵜⵀⵍⵏ⵿ⵜ ⴶⵤⴰ ⵜⵎⵤⴶⴰ ⵂⵔ ⵜⵗⵔⴹ ⴶⵍⵗ ⴶⵤⵗ ⵤⴶⵤⵏⵏ⵰
8 ⴹⵗ ⴹⵢ ⵓⴰ ⵀⵤⵏ ⵗⵔ ⵎⵔⴹⴰ ⵜⵜⵓⵙⵏ⵿ⵙⵢ ⵜⴾⵀⵜ ⵜⵏ ⵆⴹ ⵜⵎⵙⵜ ⵔⵤ ⵏⵓⴰ ⴹⵔⵏⵏ ⵙⵏ⵿ⵜⴰ ⴹⵤⴾⴼⵓ ⵎⵍⵢ ⵎⵙⵏ ⵎⵛⵔⵗ ⵓⴰ ⵗⴹⵏ ⵤⵍ ⵍⴾⵎⵏ⵰ ⵓⵔⴶⵗ ⵏⴾ ⵗⵙ ⵙ ⵜⵜⵤⴾⴼⵓ ⴾⵍⵔ ⵜⵜⴾⴼⵓ ⵢⵢⵜⴹⵏ ⴾⵍ ⵓⵏ ⵆⵍⵏⵏ ⵙ ⵜⵔⴰ ⵢⵏⴼⵍⵍⵏⵜ⵰
ⵎⵔⵏ ⴾⵏⵏ ⵜⵎⵜⵢ
9 ⴹⴶⵤ ⵓⵍⵏ ⴹⵗ ⴹⴹⵜⴾⴰ ⴹⵗ ⵜⵔⵀ
10 ⴼⵍⵙ ⴹⵎⵙ ⴶⵎⴹ ⵀⵜⵏⵏ ⴹ ⵙⴼ ⵍⴾⵎ ⵢⴹⵏⵜ ⴾⴰ ⵗⵔⵎ ⵏ⵿ⵜⵙⵍⵏⴾ⵰ ⴾⵔⵙⵙ ⵎⵔⵏ ⴾⴰ ⴾⵍ ⵏ⵿ⴶⵍⵜⵢⴰ ⵜⵜⵙ ⴹⵗ ⴾⴰ ⴾⵍ ⵏ⵿ⴹⵍⵎⵜⵢⴰ⵰
11 ⵓⵔ ⵗⵔⵢ ⴹⵆⵎ ⵔ ⵍⵆⴰ⵰ ⴹⵓⴹⵓ ⴹⵎⵔⴾⵙ ⴼⵍⵙ ⵜⵂⵜⵓ ⵜⵏ⵿ⴼⴰ ⴹⵗ ⵛⵗⵍⵏ⵰
12 ⵤⵎⵤⵍⴰ ⵜⵛⴾ ⵙⵗⵔⵎ ⵏⴼⵤ⵰
13 ⵙ ⴹⵜⴶⵍ ⵜⵎⵔⵗⴹⵓ ⵀⵔⵏⵤ ⵓⴰ ⴹⵏⵢ ⵗⵔ ⴾⵔⴼⵙ ⴹⵗ ⵗⵔⵎ ⵏ⵿ⵜⵔⵓⵙ ⵜⵎⵔⵗⴹⵓ ⴹⵗ ⵍⴾⵜⵀⵏⵏ ⵓⵍⵏ ⵓⵏ ⴶⵏⵏ ⴹⵗ ⴶⵛⴾ⵰
14 ⵍⵙⴾⵏ⵿ⴹⵔ ⵓⵏ ⵏⴹ ⵙⴾⵏⵢ ⵔⴾ ⵎⵤⵍⵏ ⴶⵜⵏⵏ ⵍⵀⵙⵏⵏ⵰ ⵎⵍⵢ ⴹⵙⵤⵈⴾⵎⵏ ⵙ ⵎⵤⵍⵏⵜ⵰
15 ⴾⵢ ⴹⴰ ⵏ⵿ⴾⴹⵙ ⴼⵍⵙ ⴾⵏⴰ ⵜⵛⵜ ⵏⵍⴹ ⵏⵓⴰ ⵏⵙⵙⵗⵔⵓ⵰
16 ⵗⵔ ⵛⵔⵗⵏⵏ ⵓⴰ ⵤⵔⵏ ⵓⵔ ⵜⵍⴰ ⵓⴹⵏ ⵓⵔⵏ ⴶⵏⵏⵏ ⴾⵍⵔ ⵓⴹⵏ ⴾⵍ ⴶⵎⴹ ⵀⵜⵏⵏ⵰ ⵎⵛⵏⴰ ⵢⴰ ⵓⵔ ⵜⵏ⵿ⵜⵀⵤⴰ ⵙⵎⵤⵍ ⴹⵢ⵰
17 ⵎⵍⵢ ⵓⵔⵏ ⴶⵏⵏⵏ ⵙⵙⵂⵜⵢ ⴼⵍ ⴹ ⵙⵍⵏ ⵢⵜⴹⵏ ⴾⵍ ⵓⵏ ⵓⵔ ⵏⵎⵙ ⴾⵍⵍⵢⵂⴹ ⵢⵎⵤⵍⵏⵜ ⵛⵛⵓⴹⵗ ⵙ ⵜⵎⵓⵜ ⵜⴾⵎⵍⵜ ⴾⵙⴹⵓ ⴹⵗ ⵎⵢ ⵏⵂⵔ⵰
18 ⴹⴶⵤ ⵎⵍⵢ ⴹⵗ ⵢ ⵜⵍⴰ ⵛⵔ ⵏⵎⴾⵙⵏⵏ ⵙⴼⵙⵢ ⵢⴹⴶⵓ ⴹⵗ ⵜⵗⵎⵔⵏⵜ ⵜⵏ ⵌⵏⵓⵏ⵰ ⵏ⵿ⵜⴰ ⵍⵏ ⵜⵏⵢⴰ ⵜⴰ ⵜⵜⵍⵜ ⴹⵗ ⵗⵍⵍ ⵏ⵿ⵜⵎⵔⵏ⵰ ⵎⵏ⵰
ⵛⵂⵍⵓⵏ
19 ⵜⵂⵍⵗⵏ ⴼⵔⵙⴾⴰ ⴹⴾⵍⵙ ⵏ⵿ⵜⵏⵢ ⵂⵔⴾⴹ ⵗⵢⵓⵏ ⵏⵏⵙⴼⵔⵙ⵰
20 ⵔⵙ⵿ⵜⵙ ⵏ⵿ⵜⴰ ⵆⵎⵏ ⴹⵗ ⵗⵔⵎ ⵏ⵿ⴾⵔⵏ⵿ⵜ⵰ ⵜⵔⴼⵎⵙ ⵙ ⵜⴹⴼⵍⵗ ⵔⵏ ⴹⵗ ⵗⵔⵎ ⵏⵎⵍⵜⵙ⵰
21 ⴹⴶⵤ ⵓⵍⵏ ⴹⵗ ⴹⵜⵙⴰ ⴹⵜ ⵜⴶⵔⵙ⵿ⵜ⵰ ⵂⵍⵏ⵿ⴾⵢⵏ ⴹ ⵀⵍⵢ ⴹⴼⴹⵏⵙ ⴹⵍⵏⵙ ⴹⴾⵍⵓⴹⵢⴰ ⴹⵎⴹⵔⵢⵏⵏⴰ ⴾⵍ ⴹⵗ ⵤⴶⵤⵏ⵰
22 ⵍⵍⴾ ⵎⵍⵢ ⴾⴼⵓⵏ ⵔⵈⵎⵜ ⴾⵜⵏⵓⵏ⵰ ⵎⵏ⵰