2
ⵙⵙⵗⵔⵢ ⴾⵏ ⵍⴾⵏⵙⵜ
ⵎⵔⵏ ⴾⵏⵏ ⵤⵏⴼⵏ ⵏⵢⵜⴹⵏ
1 ⵎⵔⵏ ⴾⵢ ⵜⵎⵔ ⵙⵔⵜⵏ ⵓⵏ ⵏⵎⵏⴾⵏⵏ ⴹⵜⵔⵢⵜ ⵜⴰ ⵎⵍ ⵙⵙⵗⵔⵢ ⵓⵏ ⵜⴹⵜ⵰
2 ⵜⵏⵗ ⵢ ⵎⴹⵏ ⵓⵏ ⵓⵛⵔⵏⵏ ⴹ ⵆⵍⵏ ⵢⵜⴹⵏ ⵙⵎⴹⵏⵏ ⵜⴼⵏⵏ ⵤⵀⵏ ⵏⴹⵏ ⴹⵗ ⵓⵍⵏⵙⵏ ⵙⵂⵜ ⵤⴶⵤⵏⵙⵏ ⵜⵂⵏ ⵜⵔⴰ ⴾⵏⵏ ⵤⵎⵔⵜ⵰
3 ⵎⴾ ⵓⵏ ⴹⵗ ⵙ ⵍⵤⵎ ⴹ ⵜⴶⵏⵜ ⵜⴹⴹⵏ ⵛⵏ ⵓⵛⵔⵏⵏ⵰ ⵎⵔ⵿ⵜⵏⵜ ⵙⴹ ⵜⴼⵏⵜ ⵤⵀⵏⵙⵏⵜ ⴹⵜ ⵎⵛⵏⴰ⵰ ⴹ ⵓⵔ ⵜⵤⵎⵏⵜ ⵓⵍⴰ ⵆⵍ ⵍⵈⵍⵏⵙⵏⵜ ⵜⵙⵢ ⵏⵙⵎⴹ ⴶⵏ⵰ ⵆⵍⵏⵜⵜ ⵛⴹⴹⵏ ⵜⵎⵔⵏⵏ ⵙⵎⵤⵍ ⵏⵓⴰ ⵍⵗⵏ⵰
4 ⴹⴶⵤⵏⵜⵜ ⴹⵗ ⵎⵔ ⵏ⵿ⵜⴹⴹⵏ ⵛⵏ ⵎⴹⵔⵔⵏⵏ ⵙⴹ ⵔⵏⵜ ⵎⴹⵏⵙⵏⵜ ⴹⵀⵔⵔⵏⵙⵏⵜ⵰
5 ⵆⵍⵏⵜ ⵛⴹⴹⵏ ⵏⴹⵏⵏ ⴹⵗ ⵓⵍⵏⵙⵏⵜ ⴶⵏⵜ ⵍⵈⵍ ⵤⴹⴶⵏ⵰ ⵏⵜⴼⵏⵜ ⴹⵛⵗⵍⵏ ⵏ⵿ⵗⵓⵏⵜⵏⵙⵏⵜ ⵍⵗⵏⵜ ⵀⵔⴹⴶⵏⵜ ⵢ ⵎⴹⵏⵙⵏⵜ⵰ ⵙ ⴶⴰ ⴹⵢ ⵓⵔ ⵤⵜⵓⵍⴾⵓ ⵓⵍ ⵏⵎⵛⵏⴰ⵰
6 ⵜⵎⵔ ⵂⵔⵓⴰ ⵙⵎⴾ ⵓⵏ ⴹⴰ ⵎⴹⵏ ⵓⵏ ⵎⴹⵔⵔⵏⵏ ⵙⴹ ⵏⴹⵏ ⴹⵗ ⵓⵍⵏⵙⵏ⵰
7 ⴾⵢ ⵎⵏⴾ ⴹⴰ ⵍⵤⵎⴾⵢ ⴹ ⵜⵜⴶⵗ ⵎⵤⵍⵏ ⵍⵗⵏⵏ ⴹⵗ ⴾⵍⴾ ⵏⵏⵎⴹ ⴼⵍ ⴹ ⵜⵆⵍⵗ ⵍⵎⵙⵍ ⵢⵢⵜⴹⵏ⵰ ⵜⴶⵓ ⵙⵙⵗⵔⵢ ⴶⵏ ⵙⵓⵍ ⵢⵏ⵿ⴹⴰ ⵍⵏ ⵍⵎⵗⵏⴰ⵰
8 ⵜⴶⵓ ⵀⵜⵜⵏ ⵗⴹⵏⵏ ⵙ ⵜⵓⵔⵍⴰ ⵢ ⴹⵔⵙⵏⵜ ⴹⵤⵆⵍⵏ⵰ ⵙ ⴶⴰ ⴹⵢ ⵏⵎⵏ⵿ⴾⵔⵏⵏⵗ ⴹⵙⵏⵀⴰ ⵙⵔⵏⵗ ⵏⵏ ⵜⵂⴰ ⵜⴾⵎⴰ ⵜⵀⵤⵜⵏ ⵜⴾⵔⴾⵜ⵰
9 ⵎⵔ ⴾⵍⵏ ⵙⴹ ⵀⵔⴹⴶⵏ ⵢ ⵎⵙⵓⵙⵏ ⴹⵗ ⴾⵍⴾ ⵏⵔⵜ ⴹⵙⵏ⵿ⵜⴶⵏ ⵔⵜ ⵓⴰ ⴼⵍ ⵜⵏ⵿ⵤⵔⵏ ⵢⵏ⵿ⵜⵏ ⵜⵎⵤⵔⵢⵜ
10 ⵎⵔⵏ ⴹⵗⵙⵏ ⵓⵔ ⵜⴾⵔⵏ⵰ ⴾⵍⵔ ⵆⵍⵏⵜ ⵢⵜⴹⵏ ⵙⴼⵍⵙⵏⵏ ⵓⵍⵏ⵰ ⵙ ⴶⴰ ⴹⵢ ⴹⵓⵢⵏ ⵜⵓⵙⵗⵎⵔ ⴶⵏ ⴹⵗ ⴾⵍⴾ ⵏⵏⵎⴹ ⵢⵙⵙⵗⵔⵢ ⴾⵍ ⵓⴰ ⵆⵍⵏ ⵎⵛⵏⴰ ⴹⵢ ⵏⵏⵙⴼⵙⵏⵏⴰ⵰
ⵔⵈⵎⵜ ⵏⵎⵛⵏⴰ
11 ⵏ⵿ⵜⴰ ⵔⵈⵎⵜ ⵏⵎⵛⵏⴰ ⵜⵏⴼⵍⵍ ⵜⵓⵢⴹⵓ ⴼⵙⵏ ⵢⵢⵜⴹⵏ ⴾⵍ⵰
12 ⵜⵙⴾⵏⵏⵗ ⵎⴾ ⵓⵙ ⵤⴰ ⵏⵎⵤⵢ ⴹⵎⵤⵍⵏ ⵓⵏ ⵀⴰ ⵏ⵿ⵜⴾⵙⴹⴰ ⵏⵎⵛⵏⴰ ⴹⵜⵔⴰ ⵏⴹⵏⵜ ⴼⵍ ⴹ ⵏⴶⵓ ⴹⵗ ⴹⵏⵜ ⵜⵎⴹⵔ⵿ⵜ ⴹⵗ ⵏⵏⴹⴰ ⴹⵗ ⵓⵍⵏⵏⴰ ⵜⵗⴹⵜ ⵜⵏⵎⵏⴾ ⴹⵜⵔⴰ ⵏⵎⵛⵏⴰ⵰
13 ⵔⵜ ⵓⴰ ⵜⵏⴶⵓ ⵏⵙⴶⴹ ⵏⴶⴰ ⵜⵎⴰ ⵏⵤⵍ ⵙⴼⵍⵓⵙⵏ ⵎⵙⵏ ⵏⴼⵍⵍ ⵏⴹⴾⵍ ⵏⵎⵛⵏⴰ ⴹⵢ ⵎⵆⵔⵏ ⵜⵎⵙⵏ ⵏⵙⴼⵙⵏⵏⴰ ⵗⵢⵙⴰ ⵍⵎⵙⵈ⵰
14 ⵏ⵿ⵜⴰ ⴾⴼⵏ ⵎⵏⵜ ⴼⵍ ⴹⵏⵗⵙⴹⵔⴼⵓ ⴹⵗ ⴹ ⵜⵍⴰ ⵛⵔ ⵤⵤⴹⴶⵏⴰ ⵏⵆⵍ ⵜⵎⵜⵢⵏⵜ ⵙⵔⵙ ⵜⵙⴾⵜⵜ ⵜⵙⴶⵜⴾⵜ ⴹⵗ ⴶⵢ ⵏⵎⵤⵍⵏ ⵓⵏ ⵍⵗⵏⵏ⵰
15 ⵔⵜ ⴹⴰ ⴹⴰ ⵓⵙ ⴾⵢⵍⵤⵎ ⵜⵜⵙⵙⵗⵔⴰ ⴹⵏⵎⴹ ⵓⵙ ⵍⵤⵎ ⵙⵔⵙ ⵜⵜⵎⵔⵗ ⵢⵜⴹⵏ ⵜⵙⵗⵍⵗⵙⵏ⵿ⵜⴹⵓ⵰ ⴶⵓ ⵢⵛⵗⵍ ⵓⴰ ⴶⵢ ⵏⵍⵙ ⵍⵏ ⵀⵜⵓ⵰ ⵜⵓⵔⵎⵍ ⵢ ⴾⵢⵍⴾⵏ⵰