☰ Zebur 23
23
23-küy •••• Perwerdigar méni baqquchi padichimdur! •••• 1-ayettiki izahatni körüng
1 Dawut yazghan küy: —
 
Perwerdigar méni baqquchi Padichimdur,
Mohtaj emesmen héch nersige;□  ■
2 U méni yumran chöplerde yatquzup dem aldurar;
Tinch aqidighan sularni boylitip baqidu;
3 U wujudumni yéngilaydu;
U heqqaniyliq yolida Öz nami üchün yétekleydu;□
4 Hetta men ölüm sayisi bolghan jilghidin ötsemmu,
Héch yamanliqtin qorqmaymen;
Chünki Sen men bilen billidursen;
Séning hasang hem tayiqing manga tesellidur.■
5 Méni xar qilghuchilarning köz aldida manga keng dastixan salisen;
Méning béshimni may bilen mesih qilisen;
Qedehim tashidu;
6 Berheq, barliq künlirimde yaxshiliq we özgermes shepqet manga egiship hemrah bolidu;
Menggüdin-menggüge Perwerdigarning dergahida yashaymen!□
 
 
□ 23:1 «Bu ulugh küy toghruluq izahat» — Pelestindiki qoylar bilen padichining munasiwiti nahayiti yéqin. U ular bilen kéche-kündüz bille bolidu, ulargha isim qoyidu. Yéngi yaylaqqa köchkende, padichi qoylarning béshida méngip, ularni chaqirip yétekleydu; ularning béshi tikenlikte yarilinip qalsa, padichi may bilen sürüp «mesih qilidu»; bezi padichilar hetta amraq qoylirigha alahide qedehtin sharab ichuridu. ■ 23:1 Yesh. 40:11; Yer. 23:4; Ez. 34:23; Yuh. 10:11; 1Pét. 2:25; Weh. 7:17 □ 23:3 «U wujudumni yéngilaydu» — «yéngilaydu» ibraniy tilida bu söz «towigha qayturidu» yaki «towa qilduridu» dégen menini öz ichige alidu. ■ 23:4 Zeb. 3:6; 118:6 □ 23:6 «barliq künlirimde yaxshiliq we özgermes shepqet manga egiship hemrah bolidu» —yaki «barliq künlirimde manga egiship hemrah bolghan özgermes shepqet némidigen yaxshi!». «menggüdin-menggüge Perwerdigarning dergahida yashaymen!» — «Perwerdigarning dergahi» ibraniy tilida «Perwerdigarning öyide». Dawut bu küyni yazghanda Yérusalémdiki muqeddes ibadetxana téxi mewjut emes idi.
☰