Muqeddes Kalam (latin yéziq) Zebur 29

29-küy •••• Perwerdigarning heywisi

1 Dawut yazghan küy: —

Perwerdigargha bergeysiler, i Qudretlik Bolghuchining perzentliri,

Perwerdigargha shanu-shewket, küch bergeysiler!□ ■

2 Perwerdigargha Öz namigha layiq shanu-shewket bergeysiler;

Perwerdigargha pak-muqeddeslikning güzellikide sejde qilinglar!

3 Perwerdigarning sadasi chongqur sular üstide höküm süridu;

Shan-sherep igisi bolghan Tengri güldürmamilarni yangritidu;

Perwerdigar büyük déngizlar üstide höküm süridu.■

4 Perwerdigarning sadasi küchlüktur;

Perwerdigarning sadasi heywetke tolghandur;

5 Perwerdigarning sadasi kédir derexlirini sündüriwétidu;

Berheq, Perwerdigar Liwandiki kédirlarni sündüriwétidu.

6 U ularni mozay oynaqlawatqandek oynaqlitidu;

Yawa kalining balisi oynaqlawatqandek, U Liwan we Sirion téghini oynaqlitidu.□

7 Perwerdigarning sadasi chaqmaqlarning yalqunlirini shaxlitiwétidu;□

8 Perwerdigarning sadasi chöl-jezirini zilzilige salidu;

Perwerdigar Qedeshtiki chöl-jezirini zilzilige salidu;□

9 Perwerdigarning sadasi dub derexlirini heryan tolghitidu,

Ormanliqlarni yalingachlaydu;

Uning muqeddes ibadetxanisida bolghan hemmisi «shanu-shewket!» dep tentene qilidu. □

10 Perwerdigar topan üstige hökümranliq qilip olturidu;

Berheq, Perwerdigar menggüge padishah bolup höküm sürüp olturidu.□

11 Perwerdigar Öz xelqige qudretni bexsh étidu;

Öz xelqini aman-xatirjemlik bilen beriketleydu.

□ 29:1 «Perwerdigargha bergeysiler,... Perwerdigargha shanu-shewket, küch bergeysiler!» — bu sirliq sözning menisi néme? Menisi choqum shuki, Xudaning xelqi uninggha ishinip tayan’ghachqa, shundaqla medhiye oqughachqa, Xuda ularning hayatida Öz küch-qudritini (shundaqla Öz shan-sheripini) körsitishige sharait béridu. ■ 29:1 Zeb. 96:7, 8 ■ 29:3 Mis. 9:23 □ 29:6 «Sirion téghi» — Liwanning eng égiz tagh choqqisi, yene bir nami «Hermon». □ 29:7 «Perwerdigarning sadasi chaqmaqlarning yalqunlirini shaxlitiwétidu» — bashqa birxil terjimisi «Perwerdigarning sadasi ot yalqunlirini yirtiwétidu». Biraq aldi-keynidiki sözlerge qarighanda, chaqmaqlarni körsitishi mumkin. □ 29:8 «Perwerdigar Qedeshtiki chöl-jezirini zilzilige salidu» — «Liwan taghliri» (6-ayet) — Qanaan (Pelestin)ning shimal teripi, «Qedeshtiki chöl-jezire» uning jenubiy teripi. □ 29:9 «Perwerdigarning sadasi dub derexlirini heryan tolghitidu» — bashqa birxil terjimisi «Perwerdigarning sadasi marallargha oghlaqlarni tughdurghuzidu». □ 29:10 «Perwerdigar topan üstige hökümranliq qilip olturidu» — «topan» belkim Nuh peyghember dewridiki topanni körsitidu, bu yerde köchme menide bolup, dunyadiki qalaymiqanchiliqnimu körsitidu.