☰ Ayup 25
25
Bildad yǝnǝ sɵzlǝydu — Hudaning uluƣluⱪi
1 Xuhaliⱪ Bildad jawabǝn mundaⱪ dedi: —
2 «Uningda ⱨɵkümranliⱪ ⱨǝm ⱨǝywǝt bardur;
U asmanlarning ⱪǝridiki ixlarnimu tǝrtipkǝ salidu.□
3 Uning ⱪoxunlirini sanap tügǝtkili bolamdu?
Uning nuri kimning üstigǝ qüxmǝy ⱪalar?
4 Əmdi insan balisi ⱪandaⱪmu Tǝngrining aldida ⱨǝⱪⱪaniy bolalisun?
Ayal zatidin tuƣulƣanlar ⱪandaⱪmu pak bolalisun?■
5 Mana, Uning nǝziridǝ ⱨǝtta aymu yoruⱪ bolmiƣan yǝrdǝ,
Yultuzlarmu pak bolmiƣan yǝrdǝ,■
6 Ⱪurt bolƣan insan,
Sazang bolƣan adǝm balisi uning aldida ⱪandaⱪ bolar?». □  ■
 
 
□ 25:2 «U asmanlarning ⱪǝridiki ixlarnimu tǝrtipkǝ salidu» — Bildadning bu sɵzliri bǝlkim Xǝytanning ǝslidǝ Hudaƣa ⱪarxiliⱪ ⱪilip ǝrxtǝ isyan kɵtürgǝnlikini, andin Hudaning Xǝytanni ǝrxtin ⱨǝydiwetip, ǝrxtiki ixlarni ⱪaytidin tǝrtipkǝ kǝltürgǝnlikini kɵrsitidu. ■ 25:4 Ayup 4:17, 18, 19; 15:14, 15, 16 ■ 25:5 Ayup 15:15 □ 25:6 «Sazang bolƣan adǝm balisi uning aldida ⱪandaⱪ bolar?» — dostlirining Ayupⱪa ǝng ahiri bǝrgǝn jawabi Bildadning bu sɵzliridur. Uning bayani bǝk ⱪisⱪa bolup, «yamanlarning aⱪiwiti» toƣrisida gǝp ⱪilmaydu, pǝⱪǝtla Hudaning uluƣluⱪini sɵzlǝydu. Ⱪariƣanda ular yǝnila Ayupning realliⱪⱪa yüzlinidiƣan sɵzlirigǝ jawab tapalmaydu. ■ 25:6 Ayup 4:19; Zǝb. 22:6
☰