121
121-küy •••• Rǝb ⱨimayǝ ⱪilƣuqimdur
1 «Yuⱪiriƣa qiⱪix nahxisi»
Kɵzlirimni taƣlar tǝrǝpkǝ kɵtürüp ⱪaraymǝn;
Mening yardimim ⱪǝyǝrdin kelur?
2 Mening yardimim Pǝrwǝrdigardindur;
Asman-zeminni Yaratⱪuqidindur.
3 U putungni ⱨeq teyildurmaydu;
Seni saⱪliƣuqi ⱨeq mügdimǝydu!
4 Mana, ⱪara, Israilni saⱪliƣuqi ⱨǝm mügdimǝydu, ⱨǝm uhlimaydu!
5 Pǝrwǝrdigar sening saⱪliƣuqingdur;
Pǝrwǝrdigar ong yeningdiki sayiwǝndur.
6 Ⱪuyax kündüzdǝ, ay keqidǝ sanga zǝrǝr yǝtküzmǝydu;
7 Pǝrwǝrdigar barliⱪ yamanliⱪtin seni saⱪlaydu;
U jeningni saⱪlaydu;
8 Pǝrwǝrdigar qiⱪixingni, kirixingni,
Buningdin keyin ǝbǝdil’ǝbǝdgiqǝ saⱪlaydu.