☰ Zǝkǝriya 6
6
Sǝkkizinqi alamǝt kɵrünüx — atliⱪ jǝng ⱨarwiliri
1 Andin mana, mǝn yǝnǝ beximni kɵtürüp, ikki taƣ otturisidin tɵt jǝng ⱨarwisining qiⱪⱪanliⱪini kɵrdüm. Taƣlar bolsa mis taƣlar idi. 2 Birinqi jǝng ⱨarwisidiki ⱪizil atlar idi; ikkinqi jǝng ⱨarwisidiki ⱪara atlar idi; 3 üqinqi jǝng ⱨarwisidiki aⱪ atlar, tɵtinqi jǝng ⱨarwisidiki küqlük qipar atlar idi. 4 Mǝn jawabǝn mǝn bilǝn sɵzlixiwatⱪan pǝrixtidin: «Tǝⱪsir, bular nemǝ?» — dǝp soridim.
5 Pǝrixtǝ manga jawabǝn: «Bular pütkül yǝr-zeminning Igisining ⱨuzuridin qiⱪⱪan asmanlarning tɵt roⱨi. 6 Ⱪara atlar ⱪetilƣan ⱨarwa ximaliy zeminlar tǝrǝpkǝ kiridu; aⱪlar ularning kǝynidin mangidu; qiparlar bolsa jǝnubiy zeminlar tǝrǝpkǝ mangidu. 7 Andin muxu küqlük atlar qiⱪip yǝr yüzidǝ uyaⱪ-buyaⱪ kezixkǝ aldiraydu» — dedi.
U ularƣa: «Menginglar, yǝr yüzidǝ uyaⱪ-buyaⱪ menginglar» — dedi; ular yǝr yüzidǝ uyaⱪ-buyaⱪ mangdi. 8 Wǝ U manga ünlük awazda: «Ⱪara, ximaliy yǝr-zeminlar tǝrǝpkǝ mangƣanlar Mening Roⱨimdiki aqqiⱪni ximaliy zemin tǝrǝptǝ besiⱪturdi» — dedi. □
 
Bax kaⱨin Yǝxuaƣa taj kiydürüx
9 Pǝrwǝrdigarning sɵzi manga kelip mundaⱪ deyildi: —
10 Sürgün bolup kǝlgǝnlǝrdin, yǝni Ⱨǝlday, Tobiya wǝ Yǝdayadin sowƣatlarni ⱪobul ⱪilƣin; xu küni ular Babildin kelip qüxkǝn ɵygǝ, yǝni Zǝfaniyaning oƣli Yosiyaning ɵyigǝ kirgin; 11 xundaⱪ, kümüx wǝ altunni ⱪobul ⱪilƣin, bulardin qǝmbǝrsiman bir tajni toⱪup wǝ tajni Yǝⱨozadakning oƣli bax kaⱨin Yǝxuaning bexiƣa kiygüzgin; 12 wǝ Yǝxuaƣa: «Samawi ⱪoxunlarning Sǝrdari bolƣan Pǝrwǝrdigar mundaⱪ dǝydu: Ⱪaranglar, «Xah» dǝp atalƣan insan! U ɵz tüwidin ornida xahlinip, Pǝrwǝrdigarning ibadǝthanisini ⱪuridu» — degin.■
13 «Bǝrⱨǝⱪ, Pǝrwǝrdigarning ibadǝthanisini ⱪurƣuqi dǝl xu bolidu; u xu xaⱨanǝ xan-xǝrǝpni zimmisigǝ elip, ɵz tǝhtigǝ olturup ⱨɵküm süridu; u tǝhtkǝ olturidiƣan kaⱨin bolidu; hatirjǝmlik-aramliⱪni elip kelidiƣan ⱨǝmkarliⱪ ular ikkisi arisida bolidu.□  ■
14 Muxu qǝmbǝrsiman taj Pǝrwǝrdigarning ibadǝthanisida Hǝlǝm, Tobiya, Yǝdayalarƣa wǝ Zǝfaniyaning oƣlining meⱨribanliⱪiƣa bir ǝslǝtmǝ üqün ⱪoyulidu. □ 15 Wǝ yiraⱪta turuwatⱪanlar kelip Pǝrwǝrdigarning ibadǝthanisini ⱪurux hizmitidǝ bolidu; xuning bilǝn silǝr samawi ⱪoxunlarning Sǝrdari bolƣan Pǝrwǝrdigarning Meni ǝwǝtkǝnlikini bilisilǝr; ǝgǝr Pǝrwǝrdigarning awazini kɵngül ⱪoyup anglisanglar bu ix ǝmǝlgǝ axurulidu».■
 
 
□ 6:8 «ximaliy yǝr-zeminlar tǝrǝpkǝ mangƣanlar Mening Roⱨimdiki aqqiⱪni ximaliy zemin tǝrǝptǝ besiⱪturdi» — sǝkkizinqi kɵrünüx üstidǝ «ⱪoxumqi sɵz»mizdǝ tohtilimiz. ■ 6:12 Zǝk. 3:8: Yǝx. 4:2; 11:1; Yǝr. 23:5; 33:15 □ 6:13 «u xu xaⱨanǝ xan-xǝrǝpni zimmisigǝ elip, ... u tǝhtkǝ olturidiƣan kaⱨin bolidu» — Israilda «Lawiy» ⱪǝbilisidin bolƣan «kaⱨin»lar padixaⱨ boluxⱪa ⱪǝt’iy bolmaytti. Muxu yǝrdǝ Yǝxua (Əysa) xübⱨisizki, kǝlgüsi zamanda kelidiƣan Ⱪutⱪuzƣuqi-Mǝsiⱨni kɵrsitidu. «Mǝsiⱨ» ⱨǝm kaⱨin ⱨǝm padixaⱨ bolup, Yǝxua wǝ Zǝrubbabǝl ⱪuruwatⱪan ibadǝthanidin tehimu uluƣ ibadǝthanini, yǝni Muⱪǝddǝs Roⱨtin tuƣulƣan kixilǝrdin tǝrkib tapⱪan ibadǝthanini ⱪuridu. «Ⱪoxumqǝ sɵz»imiz wǝ «Ⱨagay pǝyƣǝmbǝr» ⱪismidiki «ⱪoxumqǝ sɵz»imizni kɵrüng. «hatirjǝmlik-aramliⱪni elip kelidiƣan ⱨǝmkarliⱪ... » — yaki «hatirjǝmlik-aramliⱪni elip kelidiƣan pilan ...». «hatirjǝmlik-aramliⱪni elip kelidiƣan ⱨǝmkarliⱪ ular ikkisi arisida bolidu» — bǝzi alimlar «ikkisi» degǝn sɵz «ikki ⱨoⱪuⱪ» degǝn mǝnidǝ, u bǝlkim ⱩutKuzƣuqi-Mǝsiⱨning «kaⱨin» ⱨǝm «tǝhttǝ olturƣuqi padixaⱨ» degǝn ikki salaⱨiyitini kɵrsitidu, dǝp ⱪaraydu. Bizningqǝ «ular ikkisi» bolsa Pǝrwǝrdigar ⱨǝm uning Mǝsiⱨidur. Dunyaning gunaⱨlirini yuyidiƣan ⱪurbanliⱪ bolsa Hudaning pilani bolup, Ɵz Mǝsiⱨi xu pilanini ǝmǝlgǝ axurup ⱪurbanliⱪ bolƣan; xunga «hatirjǝmlik-aramliⱪni elip kelidiƣan ⱨǝmkarliⱪ» «Ular ikkisi» arisididur. ■ 6:13 Zǝb. 110:1, 4; 85:10; Yǝx. 9:6; 22:24; Yⱨ. 2:19-22 □ 6:14 «Hǝlǝm, Tobiya, Yǝdayalar...» — «Hǝlǝm» 10-ayǝttǝ «Hǝlday» dǝp atilidu. « Zǝfaniyaning oƣlining meⱨribanliⱪiƣa bir ǝslǝtmǝ üqün ⱪoyulidu» — baxⱪa birhil tǝrjimisi: «Zǝfaniyaning oƣli «Hǝn»gǝ bir ǝslǝtmǝ üqün ⱪoyulidu». Biraⱪ «hǝn»ning mǝnisi «iltipat, meⱨribanliⱪ» bolup, Muⱪǝddǝs Kitabtiki baxⱪa yǝrlǝrdǝ isim ornida ixlǝtkǝnliki kɵrülmǝydu. ■ 6:15 Zǝk. 2:8, 9, 10, 12; Yǝx. 48:16; Yⱨ. 11:42; 17:21
☰