101
Kulagana kwa mndewa
(Zabuli ya Daudi.)
Ndokwimba kuwala igano lya kwimilila lya hegwe na hachi ya hegwe,
gwa Mkulu Nguluwi, kwa hegwe ndokwimba lutogo.
Ndobatilila nzila iwele inojile.
Ndaze, kokuya nili kwa heni?
 
Ndochikala kwa kugoloka haluga ha heni,
sikwimilila hebu upoka.
Ndangugazudila madito ga wanhu wajilile,
mbuli za hewo haziwa hamwe na heni.
Kwajilila koneche kula kuwe kutali na heni,
heni ndowa haduhu ng'hatu hali wihe.
Yalingumlonga vibi kwa uviso yawele habehi na heye, ndomdumya,
siweza kumwimilila munhu yalingidaya.
 
Meho ga heni gowa mchanya mwa wanhu wawele wa kukundigwa kuli isi,
leka wekale hamwe na heni.
Wanhu wagoloche ndo wong'holela mijito.
 
Mhadi yoneche hochikala haluga ha heni ha undewa,
haduhu yalingulonga udesi yochikala kwa heni.
Zuwa mbaka zuwa ndowasumya wehile weng'ha kuli isi,
ndowawinga wehile weng'ha kuli muji wa Mkulu Nguluwi.