113
Lutogo kwa Nguluwi yawele na ukulu
Mumtogole Mkulu Nguluwi.
 
Hemwe vitumagwa wa Mkulu Nguluwi, mlitogole itagwa lya Mkulu Nguluwi.
Itagwa lya Mkulu Nguluwi litogoligwe,
lehano mbaka mazuwa gose.
Kulawa kolilawilaga isanya mbaka kolizinjilaga isanya,
litogoligwe itagwa lya Mkulu Nguluwi.
Mkulu Nguluwi ka mchanya mwa wanhu wa isi zeng'ha,
ukulu wa heye wangufika mchanya mwa ulanga.
 
Whaani yawele kota Mkulu Nguluwi, Nguluwi wa hetwe?
Heye nakekalisa mchanya kuli chigoda cha undewa,
ila kangulola hasi,
yalole ulanga na isi.
Kangumwinulaga yalihela chinhu kulawa kuli nhimbwisi,
na kumkwiniza mzunwa kulawa kuli soni ya heye,
na kumuwika hamwe na wakulu,
wakulu wa wanhu wa heye.
Kangumtambichizaga mdala yawele mhende kusangalala kuli ng'handa ya heye,
kangumsangalazaga kwa kumtambichiza wana.
Mumtogole Mkulu Nguluwi.