123
Kulanda isungu
(Lwimbo lwa kuluta kuchanya.)
Ndangwinula meho ga heni kwa hegwe,
ndangukulola hegwe ulingulongoza ako kuchanya kilanga.
Kota vitumagwa vyowalingumlola mkulu wa hewo,
kota mpogozi vyoyalingitumbila kwa mkulu wa heye,
ndo natwe vyotulingitumbila kwa hegwe,
gwa Mkulu Nguluwi, Nguluwi wa hetwe,
mbaka aho houtonela isungu.
 
Utonele isungu, gwa Mkulu Nguluwi, utonele isungu,
kwa vila natubezigwa lukami.
Natiguta kwa mhela winji kubezigwa kwa wawele na lufufu,
walingidaya wangutona kota natubezigwa.