127
Ne kuwa na Nguluwi, mijito ja hetwe hajiwele chinhu
(Lwimbo lwa kuluta kuchanya. Lwimbo lwa Solomoni.)
Mkulu Nguluwi wone hazenjile ng'handa,
walinguzenga wangitunya hela.
Wone Mkulu Nguluwi howamila muji,
walingwamila wanguwa meho kwa kitunya hela.
Mwangitunya hela kulilimka lufuku ng'hatu,
na kukawila kuluta kwesela matinazo,
mipalile chilyo kwa chituguti cha hemwe.
Nguluwi kanguwapaga chilyo wala yalinguwagana, hanga howowasa.
 
Wana ndo utambichizo kulawa kwa Mkulu Nguluwi,
wana ndo ndolendole kulawa kwa heye.
Wana wapondigwe kuno wahaza wa hewo wang'hali wawele na mong'ho,
woweza kuwatanza wahaza wa hewo howowa walalile.
Ahyo, nakatambichizwa munhu yawele na wana wenji.
Holemwela hoyowa habehi na mng'honyo hali chitala.