31
Bada Israel ina vaimelei.
7 Bada i riwa:
“Ana nuaiaimi ona wela Jacob ana dam aubaina
ponami ona voepai dam vigulauna aubaii.
Ona voepaepa, ona jima ma ona riwa,
‘God, am rava mai Israel mamae‑terenai ma vilawani!’
8 Au kariwabuei au rava ana neiana-meleiai,
dobu au giana da au giana anatapui.
Maiteni mata-potapotai ma sigesigei,
duaduamai ma tautauvaoi.
Dam patara ḡaeḡaena ina nememei.
9 Ana rupenai ma ana toutoui agu aubaina,
ana neiana-meleiai
Waira adanei ana taravainiai,
etanai abuabunei da eḡa ina peu.
Tau Israel amana,
Ephraim au natuevou.”
Parivainuaḡana bagibagina vouna.
31 Bada e ririwa i pa, “Mara e nenei maranai parivainuaḡana bagibagina vouna ana kauei mai Israel ma Judah maiteni.
32 Wei lamna eḡa me noinoi maiteni a kauei nanare; maranai a raunimavoai ma Egyptei a taravaina-opunei. Aubaina au parivainuaḡana i viaigai avena da nuanuai a vaia me oroto awana nuanuana e vaivaia.
33 Wei parivainuaḡanana mai Israel maiteni ana kauei nai marana au murina.” Bada e ririwa, “Au tarawatu ai au nota ana terei ma au nuanuai ana girumi. Wei ina terekauei da Tau ai God ma taui au rava.
34 Ma eḡa ai rava ina viararamana-melei bo riwa vivira, ‘Bada ona aramanei!’ Aubaina au aburuna da au magurina anatapui ina aramaneu. Tau ai ḡoʼapoapoe ana nota-tawanei ma eḡa ana nota-melei.” Bada e ririwa.