3
Viegualau pulona
1 Bada Moses awarina i babani i pa, “Aiai da nuauba amna aubaina ana pulo bulumakau e apuapui, ma inana-kauei da burumakauna orotona bo wavinena, aiaina ma eḡa ana apoapoe aiwai.
2 Ma urana ḡamoḡamo au kolana ina terei ma ina viraḡeni Numa Gara Vivivireina ana au anirui. Ma pirisi Aaron natunatuna tara pulo aniapuna au adana ina voiwaiwaḡa-naiei.
3-4 Ma amoamo monamona ava ma kaina monamona ma ganigani ana monamonana, pirisi ina verei da ina apui nuauba pulona.
5 Ma Aaron natunatuna wei monamonai sia taputapuna e ararai au tepana ina terei ma ina apu-tagogiei, pulo aniapuna au tepana. Wei amgogona pulona ma ḡabuna i ai kaua Bada awarina.”
Ma ḡamoḡamo taupuloina ana numa ravai maiteni ma ai rava ḡelaui sia mae-terenai e aniani. Wei lamna Bada ana babani bulumakau aubaina ma riwana tagogina sipu ma gote aubaii amgogona pulona.