67
Kariimet Kaem amilmil tumonko wur
1 O nanga Kaem, nika gemang lila se ka marak nangaruko;
gemang nangaru ale ka nikim yawara nangaruko.
2 Mu te ali lilim ko kariimet nika munan se
ka sangaru ta ko sokel mu ko ikimonko.
3 O Kaem, aninga angamang kariimet
suen la ni ko ko amilmilamon ale nip patawumonko!
4 Nuna amilmil kelagamon ale wur ilu se nip patawumonko,
mu awuk, ni munan diram te la kariimet nunga bitarsam,
ale ikia ningo te la ali sor suen biya nunga kiti gurugusam.
5 O Kaem, aninga angamang kariimet
suen la ni ko ko amilmilamon ale nip patawumonko!
6 Se ali imi te na inang sor magarukko,
Kaem, anananga Kaem, mu nu marak nangarukko.
7 Nunguningta Kaem gomang nangarukko,
se ali dun sika te nama dun sika te, nu bowa ningi la bagamonko.