Minkunga 128
Bika Yave kasakumuna
Nkunga wunyimbudulu mu nzila yikuendila ku nzo Yave.
1 Lusakumunu kuidi batu boso bobo bobo beti kinzika Yave,
bandiatilanga mu zinzila ziandi.
2 Ngeyo wela dia mbutu wu kisalu kiaku.
Lusakumunu ayi mamboti biela ba biaku.
3 Nketo aku wela ba banga vinu yidi mbozi yiwombo mu khati nzo aku ;
bana baku banga mintiudila mi olive muyendila mezꞌaku.
4 Buawu bobo buididi mutu wusakumunu,
wowo weti kinzika Yave.
5 Bika Yave kalusakumuna, tona ku Sioni mu bilumbu bioso bi luzingu lueno ;
bika lumona mamboti ma Yelusalemi
6 ayi bika lumona bana ba bana beno.
Bika ndembama yiba vadi Iseli.