Minkunga 130
Ku tsi ziphasi nditela Yave.
Nkunga wunyimbudulu mu nzila yinkuendila ku nzo Yave.
1 Bu nditotuka mu mabulu madi thipula,
ndiyamikina kuidi ngeyo, a Yave.
2 A Yave, wa mbemboꞌama ;
bika wutamba matu maku mu yamikina kuama mu diambu di lusadusu.
3 Enati ngeyo, a Yave, weti tangisa masumu
A Yave buna nani wulenda telama e ?
4 Vayi kuidi ngeyo kuidi ndemvukulu yi masumu ;
diawu fueni kinzuku.
5 Ndimvingila Yave, muelꞌama wulembo vingila ;
ayi mu mambu mandi, ndintula diana diama.
6 Muelꞌama wumvingila Yave viokila minsungi mimvingila nsuka.
Nyinga viokila minsungi mimvingila nsuka.
7 A Iseli, tula diana diaku mu Yave
Bila mu niandi muidi luzolo lu ngolo
ayi mu niandi muidi khudulu yiduka.
8 Niandi veka wela kula Iseli mu masumu mawu moso.