Minkunga 149
Pfumu wunzolanga batu bandi
1 Luzitisa Yave ;
luyimbidila Yave nkunga wumona ;
nzitusu andi mu lukutukunu lu banlongo.
2 Bika Iseli kamona khini mu diambu di mvangi awu
Bika batu ba Sioni bayangalala mu diambu di ntinu awu.
3 Bika bazitisa dizina diandi mu makinu ;
ayi bansikila miziki mu ndungu ayi mu ngitala,
4 bila Yave weti yangalala mu batu bandi,
weti vuatisa phulusu kuidi batu beti kukikula.
5 Bika banlongo bamoma khan mu diambu di nzitusu wawu ;
ayi bayimbila mu khan mu zimbuka ziawu.
6 Bika minzitusu mi Nzambi miba mu miunu miawu
ayi sabala kidi meno mu zindambu zioso mu mioko miawu ;
7 mu diambu di vutula landi kuidi makanda
ayi mu vana batu thumbudulu ;
8 mu diambu di kanga mintinu miawu mu zisieni
ayi batu bawu banneni mu bisengo ;
9 mu diambu di dukisa nzengolo yoyi yisonama mu diambu diawu ;
wawu wawu nkembo wu banlongo bandi boso.
Luzitisa Yave.