Minkunga 76
Nzambi niandi vuidi ndungunu
Nkunga Asafi kuidi pfumu minyimbidi kayimbidila mu ngitala.
1 Mu Yuda, Nzambi zabikini
Dizina diandi didi dinneni mu Iseli.
2 Nzo andi yi ngoto yidi ku Salemi,
buangu kiandi kidi ku Sioni.
3 Kuna kakeludila madionga malembo lemi,
nkaku ayi sabala, mbedi ayi binuanunu bi mvita.
4 Ngeyo lembo lezama mu kiezila,
lutidi kinzuku viokila miongo miwedi bibulu.
5 Makhesa mamana ku baziona bima,
balembo leki tulu tuawu tutsuka,
kadi wumosi mu binuani lenda tombula mioko miandi.
6 Mu themunuꞌaku, a Nzambi yi Yakobi,
ziphunda ayi matoma ma mvita bibibiodi biledi tulu tuvindu.
Bileka tulu tuvindu.
7 Ngeyo veka, lembo monisa tsisi !
Nani wulenda telama va meso maku ngeyo fuema e ?
8 Tona kuna Diyilu wuwakikisa nzengolo ;
ntoto wumona tsisi ayi wutumbu dingalala ;
9 Thangu ngeyo, a Nzambi, wutelama mu diambu di sambisa
ayi mu diambu di vukisa bankwa ziphasi va ntoto.
10 Bukiedika nganzi aku kuidi batu yinnatini nzitusu ;
ayi bobo bavukidi mu nganzi aku, badi basimbudulu.
11 Tambikanu zikhanu kuidi Yave Nzambi eno
ayi dedikisanu ziawu !
Bika baboso badi mu nzunga ki mintoto,
banata bakaba kuidi mutu wowo widi tsisi.
12 Niandi weti bula phevi minyadi,
niandi tsisi beta kummona kuidi mintinu mi ntoto.