5
Adam Ye Awoya
1 Adam ye awoya kuu kei. (Godbed karub kuu ye areb ongmoon.
2 Karuwiib wonongiib ongmekore amuniib kerundoon. Kerundekore, yedmoon “Yiib kuu karuwa wononga kii.” andoon.)
3 Adam kuu weeb 130yiib doberekore, ye mingki Set kuu woonoon. Ye kuu Adam areb.
4 Kwanekore, Adam ye dana yenayiib ari wanaboon. Kuyaom doboroon kuu weeb 800iib doboroon.
5 Ye weeb korem kuu 930yiib doberene bobnoon.
6 Set kuu weeb 105iib doberekore, ye mingki Inos kuu woonoon.
7 Kwanekore, Set ye dana yenayiib ari wanaboon. Kuyaom doboroon kuu weeb 807iib doboroon.
8 Ye weeb korem kuu 912iib doberene bobnoon.
9 Inos kuu weeb 90yiib doberekore, ye mingki Kenan kuu woonoon.
10 Kwanekore, Inos ye dana yenayiib ari wanaboon. Kuyaom doboroon kuu weeb 815iib doboroon.
11 Ye weeb korem kuu 905iib doberene bobnoon.
12 Kenan kuu weeb 70yiib doberekore, ye mingki Mahalalel kuu woonoon.
13 Kwanekore, Kenan ye dana yenayiib ari wanaboon. Kuyaom doboroon kuu weeb 840yiib doboroon.
14 Ye weeb korem kuu 910iib doberene bobnoon.
15 Mahalalel kuu weeb 65iib doberekore, ye mingki Yared kuu woonoon.
16 Kwanekore, Mahalalel ye dana yenayiib ari wanaboon. Kuyaom doboroon kuu weeb 830yiib doboroon.
17 Ye weeb korem kuu 895iib doberene bobnoon.
18 Yared kuu weeb 162yiib doberekore, ye mingki Inok kuu woonoon.
19 Kwanekore, Yared ye dana yenayiib ari wanaboon. Kuyaom doboroon kuu weeb 800iib doboroon.
20 Ye weeb korem kuu 962yiib doberene bobnoon.
21 Inok kuu weeb 65iib doberekore, ye mingki Metusela kuu woonoon.
22 Kwanekore, Inok ye dana yenayiib ari wanaboon. Kuyaom doboroon kuu weeb 300iib God ye dowakeniib doboroon.
23 Ye weeb korem kuu 365iib doboroon
24 kuned Godbed nendoon, amborom kuu ye kuu God ye murubia ari amunmo doboroon ye karub kowe. Kwani kowe, korem wonoon, okad yiri dobirindo.
25 Metusela kuu weeb 187iib doberekore, ye mingki Lamek kuu woonoon.
26 Kwanekore, Metusela ye dana yenayiib ari wanaboon. Kuyaom doboroon kuu weeb 782yiib doboroon.
27 Ye weeb korem kuu 969iib doberene bobnoon.
28 Lamek kuu weeb 182yiib doberekore, ye mingki kuu woonoon.
29 Woonekore, Lamekbed yedmoon “Yariman Godbed arewa kondoon okad kiri kee kowe dana kee nub yaa awandi ye kiwaan ongmaneen. Kwani kowe, dana kee yaningko Noa andaan kii.” andoon.
30 Kwanekore, Lamek ye dana yenayiib ari wanaboon. Kuyaom doboroon kuu weeb 595iib doboroon.
31 Ye weeb korem kuu 777iib doberene bobnoon.
32 Noa kuu weeb 500iib doberekore, karub dana ayoobmim Sem yoom Hem yoom Yeefet yoom wanaboon.