Yook 53
Yook ambo bi ye karub yeman. Mahalat ye kiwaan wingki yeman. Maskil ye yook Dewidbed wongkoon.
1 Inameniibbandan kuu yi niindem aom yedmimaib,
“Godiibban dowan.” andimaib.
Yi inamen kuu nengkidme arewamo kerenib yi dobiri kiwaan kuu miin arewamo,
kwane yi korem kuu ma amun kamimokban.
2 God kuu Ewen arimbed nimakarub yaa yiri wedmimaan,
kuu karub maa kanembed id anam kaadkerekore
God ande onmaneen manok anded.
3 Kumban yi korem kuu God yaa angkurom korokbeniwen,
kwane yi korem kuu yika yi inamen ben nengkidme arewamo meenimaib.
Yi kumaom kuu kane maambed amun kamimokban,
korem dowan anam.
4 Yembed yedmoon, “Arewa kamidanbed ne nimakarub yeene nongkobiwen,
kowe ne nimakarub kuu animan ane dowan keremoon areb keriwen.
Arewa kamidan kee ne yaa ma baandindo.
Yi kuu ma kaadkeraniiwoo? Dowan!” andoon.
5 Yi dobiri yaa kuu uni yemaniibban kumban yi kuu uni miin darewoob keriwen,
amborom kuu Godbed ye nimakarub yi bondan yeene nongkobene yi kono kuu ben bokesawaroon.
Godbed yi yaa wunekaroon kowe
Israeldanbed yi kuu yenbande karak kondiwen kui.
6 O, Israeldan ben yi bondan burudande obon kerundi ye karub kuu aangko Saion arimbed angkadere monok.
Kuyaron kuu God ye nimakarub ben obonmo kerunde yiminmo kerundaneen.
Kwanoko Yekob ye meed Israeldan dowaken kere kubime.