13
Atakorehmapotoh Ritonõpo a
Sero saumu tymerose Tawi a.
1 Ritonõpo Jesemy, jũme ypoko
tuenikehse mahno?
Otara ahtao otonẽkehnõko mah,
oẽmyty enetohme ropa ya?
2 Otãto ise ro jetuarimatoh eanahtotohme ya?
Otãto ise ro jemynyhmary ukurohtao saereme,
koko, enara?
Otãto ise ro yporemãkary jepetõkara a?
3 Ritonõpo Jesemy, kueneko, kuezuhko!
Kyjamihtanohko ropa, orihpyra jehtohme.
4 Morarame jepetõkara atãkyemasaromepyra
exĩko mã toto yporemãkapory poko;
ynara kasaromepyra exĩko mã toto:
“Mokyro typoremãkase kyya xine!”
5 Ypyno oehtoh enetupuhnõko ase.
Atãkyemãko ase ukurohtao ypynanopyryke oya.
6 Naeroro eremiãko ase oeahmaryme, Ritonõpo, kure tyrise jexiryke oya.