133
Ritonõpo poetory tõ osepeme ehtoh poko
Tawi nymerohpyry.
1 Kure potu moro, Ritonõpo poetory tõ
osepeme toto ahtao, oxiekyryme sã toto ahtao!
2 Azeite kurã ipopatoh sã mana Arão zupuhpyry po, serere ãko mana yhtõko etypoty pona, zupõ ehpiry poro.
3 Konopo sã mana ypy Heremõ po,
konopo oepyry sã ypy tõ Xião pona.
Moroto Jerusarẽ po kure rokẽ typoetory tõ rĩko
Kuesẽkõ mana, tõmihpyry ae ro,
jũme isene exikehpyra ehtopo.