23
Kaneru pynoto sã Jesẽ mana
Sero saumu tymerose Tawi a.
1 Jesẽ ypyno mana kaneru pynoto samo;
emero nae exikety sã ase ukurohtao.
2 Osa kurã po toky tõ eremapõko esẽ mana,
tuna kurã pona toto arõko roropa mana.
3 Moro saaro yjamihtanohnõko Jesẽ mana,
ya oserematoh ekarõko roropa mana ukurohtao.
Zae ehtoh poko jakorehmãko mana
tõmihpyry ae ro.
4 Jemynyhmaryhtao yronymyryme enaromyra ase
ymaro oexiryke, Ritonõpo Jesemy;
jewomãko mase, zae tyritoh enepõko mase
ya azamaro jehtohme.
5 Otuhtoh konõto rĩko sã mase jotuhtohme
tomyehmase jahtao jepetõkara a.
Oty kara ase toahmase jexiryke oya, tãkye ase
oepeme jekaroryke oya, pehme sã ase
ukurohtao ypyno oexiryke.
6 Ypyno exikehpyra mase,
kure rokẽ jyrikehpyra roropa mase jorikyry ponãmero.
Mame atapyĩ taka ytõko ase osesarise,
jũme oesary mã jesaryme exĩko mana.