23
1 Dɑfidin womu.
Yinni Gusunɔ wunɑ ɑ sɑ̃ɑ nɛn kpɑro,
nɑ sɑ̃ɑwɑ nɡe wunɛn yɑ̃ɑru.
Nɑ ǹ ɡɑ̃ɑnu bie.
2 Wunɑ ɑ rɑ kɑ mɑn de mi yɑkɑ bekusu wɑ̃ɑ.
Wunɑ ɑ rɑ kɑ mɑn de mi nim mu mɑɑri.
Kpɑ ɑ mɑn wɛ̃rɑsiɑ mi.
3 A rɑ de nɛn dɑm mu wurɑmɑ,
ɑ rɑ mɑn sure swɑɑ ɡeɑ sɔɔ,
wunɛn yĩsirun bɛɛrɛn sɔ̃.
4 Nɑ̀ n sĩimɔ yɑm wɔ̃ku bɑkɑru sɔɔ,
nɑ ǹ kɔ̃sɑ nɑsie,
yèn sɔ̃, ɑ kɑ mɑn wɑ̃ɑ.
Wunɛn dɛkɑ yɑ rɑ mɑn kpɑre.
Wunɛn bokurɑ tɑ rɑ mɑn ɡbɑre.
Yeniwɑ yɑ rɑ mɑn dɑm kɛ̃.
5 Yinni, bɑɑ yibɛrɛbɑ bɑ̀ n mɑn sikerenɛ,
ɑ rɑ mɑn dɑm koosie kɑ bɛɛrɛ,
ɑ turɑre ɡumɡiɑ wisi nɛn wirɔ,
ɑ dĩɑ bwese bwesekɑ yi nɛn wuswɑɑɔ,
ɑ nɛn nɔrɑ yibiɑ pɛrɛrɛ.
6 Yinni Gusunɔ, nɑ yɛ̃ mɑ tɔ̃ɔ bɑɑtere
kɑɑ mɑn tɔn ɡeeru sɔ̃ɔsi nɛn wɑ̃ɑru sɔɔ.
Tɔ̃ɔ bɑɑtere kɑɑ mɑn ɡeɑ kuɑ nɛn wɑ̃ɑru sɔɔ.
Kpɑ nɑ n wɑ̃ɑ wunɛn mi sere kɑ nɛn ɡɔɔwɔ.